ආනන්ද කුමාරස්වාමි මාවත යනුවෙන් නම් කර තිබූ කොළඹ 07, හෝර්ටන් වටරවුම හා පුස්තකාල වටරවුම අතර කොටස නෙළුම් පොකුණ මාවත යනුවෙන් නම් කළේ 2011 දෙසැම්බර් 15 වැනිදා මහින්ද රාජපක්ෂ රජය යටතේය.
මෙරට කලා ක්ෂේත්‍රයට දැවැන්ත මෙහෙවරක් කළ විශිෂ්ටයකු ,කලාකරුවෙක්, දාර්ශනිකයෙක්, වගේම සමාජ විද්‍යාඥයෙක් වන කුමාරස්වාමි මහතා වෙනුවෙන් නම් කළ මෙම මාවත හිටපු ජනාධිපතිවරයාගේ කලා උපදේශකයන් විසින් නෙළුම් පොකුණ මාවත ලෙසින් නම් කෙරිණි. එවකට මෙම ක්‍රියාවට දැඩි විරෝධයක්ද එල්ල විය.
කෙසේ වෙතත් ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් මේ මස 10 වැනිදා පැවැත්වෙන විශේෂ උත්සවයකදී මෙම මාර්ගය නැවත 'ආනන්ද කුමාරස්වාමි' මාවත ලෙස නම් කරන බව කොළඹ මහ නගර සභාව පවසයි.
