ඊයේ (13)අමරිකාවේ, නිව්යෝර්ක් නුවර පිහිටි එක්සත් ජාතීන්ගේ මූලස්ථානයේදී් මෙරට විදේශ අමාත්‍ය මංගල සමරවීර මහතා සමග පැවති සාකච්ඡාවකදී මහලේකම්වරයා මේ බව පවසා ඇත. එම හමුවේදී වගවීම සහ සංහිදියාව පිළිබඳ කරුණු සාකච්ඡා කිරීමට මුල්තැනක් දී තිබූ අතර මානව හිමිකම් පිළිබඳවද දීර්ඝ වශයෙන් සාකච්ඡා වී ඇති බව සඳහන්ය.
මේ අතර එළැඹෙන මාර්තු මාසයේදී එක්සත් ජාතීන්ගේ මානව හිමිකම් කවුන්සිල සැසිවාරයට ඉදිරිපත් කිරීමට නියමිත ශී‍්‍ර ලංකාව පිළිබඳ වාර්තාව නියමිත පරිදි ඉදිරිපත් කරන බව එක්සත් ජාතීන්ගේ මානව හිමිකම් පිළිබඳ මහකොමසාරිස් සෙයිඞ් අල් හුසේන් කුමරු පවසා ඇතැයි අමරිකාවේ රාජ්‍ය දෙපාර්තමේන්තුවේ මාධ්‍ය ප‍්‍රකාශිකා ජේන් පසාකි පවසා ඇත. මෙම වාර්තාව ඉදිරිපත් කිරීම කල්දැමීමට ශ‍්‍රී ලංකාව බලාපොරොත්තු වූවද එක්සත් ජාතීන්ගේ මානව හිමිකම් කොමසාරිස්වරයාගේ තීන්දුව අවසාන තීන්දුව බැවින් ඔහුගේ ක‍්‍රියාවලිය පිළිබඳ නියත විශ්වාසයකින් යුතුව සිටින බව ඇය වැඩිදුරටත් සඳහන් කර ඇත. තත්ත්වය කෙසේ වුවද ශ‍්‍රී ලංකාවේ වගවීම සහ සංහිදියාව පිළිබඳ ඇමෙරිකාව ඇතුළු ජාත්‍යන්තර ප‍්‍රජාවගේ සහාය අනිවාර්යයෙන්ම ලැබෙන බවත් ඇය පෙන්වා දී තිබේ.
මේ අතර ශ‍්‍රී ලාංකිකයින්ට මෙන්ම මෙරට ජනතාවටද මේ වන විට දීප්තිමත් මොහොතක් ගත වෙමින් ඇති බව අමරිකානු රාජ්‍ය ලේකම් ජෝන් කෙරී පවසයි. විදේශ අමාත්‍ය මංගල සමරවීර මහතා සමග වොෂින්ටනයේ පැවති සාකච්ඡාවෙන් අනතුරුව පැවැති මාධ්‍ය හමුවකදී ඔහු මේ බව සඳහන් කර ඇත. නව රජයේ දින සියයේ වැඩ පිළිවෙළ පිළිබඳ ඉතා උනන්දුවෙන් යුතුව බලා සිටින බවත්, එය සාර්ථක කර ගැනීම සඳහා සුභාසිංශන මෙන්ම සහයෝගය ලබා දෙන බවත් ඔහු පවසයි.
පසුගිය ජනාධිපතිවරණ ප‍්‍රතිඵලය ශ‍්‍රී ලංකාව නව දිශානතියකට යොමු කිරීමට පෙළැඹීමට ලද වරමක් ලෙස ඔහු පෙන්වා දී ඇත. මෙරට සංචාරයක් සඳහා ආරාධනා කරනු ඇතැයිද තමන් විශ්වාස කරන බවද ඔහු පවසා ඇත.
