මෙම පරීක්ෂණ කමි‍ටු සාමාජිකයන්ට පසුගිය පාලන සමයේදී ශ්‍රී ලංකාවට පැමිණීම තහනම් කර තිබුණද නව පාලනය යටතේ එම එම තහනම පැනවීම සිදු වීමට ඉඩක් නැති බවද ඔවුන්ගේ මතය වේ.
දෙමළ ජාතික සන්ධානයේ මන්ත්‍රී සුමන්තිරන් මහතා ඊයේ යාපනයේ මාධ්‍ය සාකච්ඡාවක් පවත්වමින් පවසා සිටියේ ශ්‍රී ලංකා රජය මෙම වාර්තාව එළි දැක්වීම පමාකරන ලෙස ඉල්ලා සිටීමම ජාත්‍යන්තර පරීක්ෂණයකට එකඟ වීමක් බවය.
මානව හිමිකම් කොමසාරිස්‌ සෙයිද්රාද් හුසේන් මහතාද මෙලෙස සැප්තැම්බර් මාසය දක්‌වා යුද අපරාධ වාර්තාව කල්දැමීමෙන් අලුත් තොරතුරු ඉදිරිපත් විය හැකි යැයි මේ සම්බන්ධයෙන් නිවේදනයක් නිකුත් කරමින් පවසා ඇතැයි වාර්තාවේ.
එසේම මානව හිමිකම් උල්ලංඝනය වීම ගැන මානව හිමිකම් කවුන්සිලය සමග සහයෝගීතාවයෙන් කටයුතු කිරීමට වත්මන් රජය එකඟ වූ බව ප්‍රකාශ කළ මානව හිමිකම් කොමසාරිස්‌වරයා එකී යුද අපරාධ වාර්තාව කල්දැමීම ගැන බරපතළ විවාද ඇතිවූ බවද සඳහන් කර තිබේ.
