කෙසේ වෙතත් ජනාධිපතිවරණ සමයේදී පොදු අපේක්ෂකව සිටි මෛත්‍රීපාල සිරිසේන මහතා ප්‍රමුඛ විපක්ෂ දේශපාලඥයින් අදාළ ව්‍යාපෘතිය නතර කරන බවට ප්‍රතිඥාවක් දේශපාලන වේදිකාවේදී ලබාදී තිබුණි.
කැසිනෝ වලට බදු නොගසන එකම රට බවට ශ්‍රී ලංකාව පත්ව තිබූ බවත්, එය අපට විශාල ගැටලුවක් වී තිබු බවත් එසේම ආගමික නායකයින්ද මීට විරෝධය පළ කර ඇති බවද අගමැතිවරයා ඕස්ට්‍රේලියානු මාධ්‍ය වෙත පවසා තිබේ.
ඒ අනුව මෛත්‍රී රජයේ අතුරු අයවැය ඉදිරිපත් කළ දිනයේදී අගමැතිවරයා පාර්ලිමේන්තුවේදී කියා සිටියේ පසුගිය රජය යටතේ ආරම්භ කිරීමට නියමිතව තිබු කැසිනෝ ව්‍යාපෘති තුනක බලපත්‍ර අවලංගු කළ බවයි.
ක්‍රමෝපායික සංවර්ධන පනත යටතේ අනුමත ඇති ව්‍යාපෘති වල කැසිනෝ ව්‍යාපාරික කටයුතු සිදු කිරීම කැබිනට් මණ්ඩලය විසින් තහනම් කර ඇති බවත්, කැසිනෝ හැර එම ව්‍යාපෘතිවල සෙසු සියලූම ව්‍යාපාරික කටයුතු සඳහා බදු සහන ලබා දෙන බවත් එහිදී අගමැතිවරයා අවධාරණය කරන ලදී.
කොළඹ ලේක් හවුස් ආයතනය ඉදිරිපිට ආරම්භ කිරීමට සැලසුම් කර තිබු ඩොලර් මිලියන 450ක් වටිනා එම ව්‍යාපෘතිය අතහැර දමන බව ජේම්ස් පැකර් විසින් පසුගිය දා ප්‍රකාශ කර තිබුණි.
(adaderana)
