ඊට හේතුව වී ඇත්තේ දිනේෂ් ගුණවර්ධන මහතා ඉදිරි මහ මැතිවරණයේදී ශ්‍රි ලනීපය හෝ එහි ප්‍රමුඛත්වයෙන් වන සන්ධානයකින් හෝ මහමැතිවරණයට ඉදිරිපත් වීම සඳහා මේවන විටත් තීරණය කර තිබීමය. මේවන විට ශ්‍රී ලනීප අභ්‍යන්තර ආරංචි මාර්ග පවසන්නේ ශ්‍රී ලනීපයෙන් හෝ එජනිසෙන් මහින්ද රාජපක්ෂට නාමයෝජනා හෝ ජාතික ලැයිස්තුවෙන් හෝ මන්ත්‍රී ආසනයක් කිසිසේත්ම නොලැබෙන බවය.
මහින්ද අගමැති කරවීම සඳහා යැයි කියමින් පසුගියදා නුගේගොඩ සංවිධානය කර තිබු රැළියෙන් පසුව එම කණ්ඩායක් අතර වූ අර්බුද උග්‍ර වී ඇතැයිද වාර්තා වේ. විමල් වීරවංශට හා උදය ගම්මන්පිලට අවශ්‍යව ඇත්තේ මහින්දව අගමැති කරවීමේ වුවමනා පෙන්වා වෙනම පෙරමුණක් හෝ ගොඩනගා මහමැතිවරණය ඉදිරිපත්ව පාර්ලිමේන්තු මන්ත්‍රීධුර ලබා ගැනීමය. එනමුත් එවැනි නව පෙරමුණක් ගොඩනැගීමේදී හෝ වාසුදේව නානයක්කාර මහතා, මහින්දව උත්කර්ෂයෙන් ඔසවා තැබීමට ගන්නා උත්සාහයට විරුද්ධවී ඇත. එම රැලිය මහින්දව අගමැති කරවීම සඳහා යැයි අර්තකථනය කිරීම සම්බන්ධයෙන්ද ඔහු විරෝධය පළ කර තිබේ. ඔහුගේ මතය එජනිස ශක්තිමත් කිරීම සඳහා මහින්දව ඒ තුලට ගෙන එ මඟින් තරග කළයුතු බවය. දිනේෂ් ගුණවර්ධන මහතාගේ මතය වී ඇත්තේද ශ්‍රීලනීපය හා සන්ධනයකින් තොරව වෙනම තර්ග කළ නොහැකි බවය.
