වැඩිදුරටත් කරුණු දැක්‌වූ ඇමැතිවරයා, 'යටත් විජිත සමයේ ඉංග්‍රිසීන් විසින් ඉදිකර ඇති මෙම දෙමහල් ගොඩනැගිල්ල ඓතිහාසික හා පුරාවිද්‍යාත්මක වටිනාකමකින් යුත් ගොඩනැගිල්ලක්‌ වෙනවා.
තැපැල් දෙපාර්තමේන්තුව යටත් විජිත යුගයේ සිට තමන්ගේ ප්‍රධාන තැපැල් කාර්යාලය පවත්වාගෙන ගියේ මෙම ගොඩනැගිල්ල තුළයි. නමුත් ජනාධිපති මන්දිරයට සහ ජනාධිපති ලේකම් කාර්යාලයේ ආරක්‍ෂාවට මෙම ගොඩනැගිල්ල තර්ජනයක්‌ බව පවසමින් පසුගිය රජය මෙහි තිබූ තැපැල් කාර්යාලය කුලී ගොඩනැගිල්ලකට රැගෙන යන ලෙස දන්වා ගොඩනැගිල්ල ජනාධිපති ලේකම් කාර්යාලය යටතට පවරා ගත්තා.'
