ඔහු මේ අදහස් පැවසුවේ මුල්ලේරියාව ප්‍රදේශයේ එක්සත් ජාතික පක්ෂය ශාඛා සමිති ප්‍රතිසංවිධානය කිරීම වෙනුවෙන් පැවති ජනහමු කිහිපයකදීය.
මෙරට ජනතාව තුළ රාජපක්ෂ පාලනය සම්බන්ධව විශාල කළකිරීමක් තිබූ බවත් ,මෛත්‍රීපාල සිරිසේන මැතිතුමා ජයග්‍රහණය කරවීම තුළින් ජීවත් වීමට හැකි වටපිටාවක් සකසා ගැනීම උදෙසා ජනතාව තුළ විශාල බලාපොරොත්තු ප්‍රමාණයක් තිබූ බවත් මරික්කාර් මහතා පැවසුවේය.
එතනෝල් කුඩු ප්‍රවර්ධනය කළ මිනීමැරුම් වලට සම්බන්ධවූ ,තානාපතිවරුන්ට පහරදුන්, මහජන දේපල කොල්ලකෑ දේශපාලඥයින්ට ඉක්මනින් දඩුවම් දේ යැයි ජනතාව විශ්වාස කරන බවත් යහපාලනය හොරුන්ට පැනයා හැකි පාලමක් නොවිය යුතු බව ජනතා විශ්වාසය වන බවත් ඔහු සදහන් කළේය.
අසාධාරණයට ලක්වූවන්ට සහනය ඉටුවීම මෙන්ම මාධ්‍යවේදීන් ඝාතනය කිරීම සහ අතුරුදන් කිරීම් මෙන්ම ජනමාධ්‍යවේදීන්ට සිය රට දමා යාමට සිදුවූ තත්වයන්, සුදු වෑන් භීතිකාව අාදී සියල්ල පිළීබදව පරීක්ෂණ පවත්වා වරදකරුවන්ට දඩුවම් ලබා දෙන ලෙස ඉල්ලා රජයට බල කරන බවද ඔහු මෙහිදී පැවසුවේය.
''අපි මාධ්‍ය සංවිධාන වලින් ඉල්ලා සිටිනවා පසුගිය කාලය තුළ සිදුවූ අසාධාරණයන්ට දැක්වූ විරෝධය ජයග්‍රහණය කරවීම සදහාත් අාණ්ඩුවට බල කරන ලෙස.2010 ජනාධිපතිවරණයෙන් සරත් ෆොන්සේකා පැරදුන ගමන් කුදලා ගෙන ගොස් යුධ ජයගුහණය ගැන ෙහා් නොතකා හිරේට දැමූවා ,නමුත් පසුගිය සමයේ සිදුවීම් පිළිබදව ගෝඨාභය රාජපක්ෂ මහතාගෙන් කටඋත්තර ලබා ගත්තේ නිවසටම ගිහින්''යනුවෙන් පැවසුවේය.
මෙහිදී වැඩිදුරටත් අදහස් දක්වමින් ඔහු පවසා සිටියේ මේ සියලු දේ පිළිබදව පරීක්ෂණ සදහා කොමිසමක් පත් කරන ලෙසයි.
