ජාතික ඖෂධ ප්‍රතිපත්තිය අැති කිරීම උදෙසා මහාචාර්ය සේනක බිබිලේ අනුස්මරණ සංවිධානය ලෙස විවිධ අාකාරයෙන් අරගල සිදු කළ බවත් ඖෂධ ප්‍රතිපත්තියක් සූදානම් බව කලක් මුළුල්ලේම රජයන් ප්‍රකාශ කළත් එය මැතිවරණ පෙරොන්දුවක් පමණක් වූ බව ඔවුන් පැවසුවේය.
මෙවර එය පනත් කෙටුම්පතක් ලෙස යම් පියවරක් ඉදිරියට පැමිණීම පිළිබදව සතුටට පත්වන බව මහාචාර්ය සේනක බිබිලේ අනුස්මරණ සංවිධානය පවසයි.
රටට සැබවින්ම අවශ්‍යම දෙයක් වන ඖෂධ ප්‍රතිපත්තිය සදහා අවශ්‍යය ඉදිරි පියවර කඩිනමින් ගන්නා ලෙස ජනාධිපතිවරයාගෙන් ඉල්ලා සිටින බවත් මහාචාර්ය සේනක බිබිලේ අනුස්මරණ සංවිධානය ලෙස එයට සහයෝගය පළ කරන බවත් පැවසුවේය.
මෙහිදී අදහස් දක්වමින් එම සංවිධානයේ ජාතික සංවිධායක වෛද්‍ය ජයන්ත බණ්ඩාර මහතා පැවසුවේ ඖෂධ වෙළඳපල තුළ 30%ක් භාවිතා කෙරුණේ ප්‍රමිතියෙන් බාල ඖෂධ බවත්,ඇතැම් පිරිස් ඇතැම් ඖෂධ මත් ද්‍රව්‍ය වලට ආදේශකයක් ලෙස භාවිතයට ගත් බවත්,ඖෂධ මිල හිතුවක්කාරී ලෙස ඉහළදැමීමට සමාගම් විසින් කටයුතු කළ බවයි.
එසේම මේවවන විට ඖෂධ හිඟයක් හා වෛද්‍ය උපකරණ හිඟයක්ද පවත්නා බවත්,රජයේ රෝහල්වල අත්‍යවශ්‍ය ඖෂධ හිඟ බැවින් ඇතැමුන් ඒවා ලබාගැනීමට බස්රථවල හිඟා කන තත්ත්වයක් දක්නට ලැබෙන බවත් ඔහු කියා සිටියේය.
එබැවින් කුමක් හෝ ඖෂධ පනතක් බාර ගැනීමට තමන් සූදානම් නොමැති බවත්,රටට අවශ්‍යව ඇත්තේ මහාචාර්ය සේනක බිබිලේ ඖෂධ ප්‍රතිපත්තිය බවත් වෛද්‍ය බණ්ඩාර මහතා පෙන්වාදුන්නේය.
මහාචාර්ය සේනක බිබිලේ හඳුන්වාදුන් එම වටිනා ප්‍රතිපත්තිය අද ලෝකයේ රටවල් ගණනාවක ක්‍රියාත්මක වන අතර ලංකාව තුළ එය ක්‍රියාත්මක කර ජනතාවට සහනයක් සලසා දෙන ලෙස ඉල්ලා සිටියේය.
{soundcloud}https://soundcloud.com/lankadaily/senaka-bibile{/soundcloud}
