ජලය පිරිසිදු කරන කැල්සියම් හයිපො ක්ලෝරේට් නැමැති රසායන ද්‍රව්‍යයක් මුවාවෙන් මේ ද්‍රව්‍ය රේගුව හරහා ගෙන්වා ඇත්තේ මියගිය නිශ්කාෂණ ඒජන්තවරයෙකු (Clearing Agent) ගේ නමට බව මේ සම්බන්ධයෙන් මාධ්‍ය කළ විමසුමකට පිළිතුරු දුන් රේගු අධ්‍යක්ෂ ජෙනරාල් ජගත් පී. විජේවීර මහතා පවසයි.
මෙහි සමස්ත වටිනාකම රුපියල් ලක්ෂ 78 වන අතර, රජයට රුපියල් ලක්ෂ 58ක බදු වංචාවක් මෙමගින්සිදු වී ඇති බව ගණන් බලා ඇත. රත්මලාන ප්‍රදේශයේ පෞද්ගලික සමාගමක ලිපිනයක් යොදාගනිමින් සිදු කර ඇති මේ නීති විරෝධී එතනෝල් ගෙන්වීම සම්බන්ධයෙන් රේගු බුද්ධි අංශය තවුරටත් පරීක්ෂණ කටයුතු තර කර ඇත.
එමෙන්ම රහස් පොලිසියේ සහයෝගයෙන් මෙහි සුලමුල සොයා වරදකරුවන්ට දැඩි දඩුවම් ලබාදීමට නියමිත අතර, පරික්ෂණ කටයුතුවලට බාධාවක් විය හැකි හෙයින් මේ පිළිබඳ දීර්ග හෙළිදරව්වක් සිදු නොකිරීමට රේගු බුද්ධි අංශය පියවර ගෙන තිබේ.
මේ ද්‍රව්‍ය බැරල්වල සූක්ෂම ලෙස අසුරා තිබූ අතර, බලපත්‍ර රහිතව එතනෝල් ගෙන්වීම හා බදු වංචා කිරීමක් සිදුව ඇති බැවින් මෙය කෝටි ගණනක සොරකමක් ලෙස සැලකිය හැකි යැයි රේගු අධ්‍යක්ෂ ජෙනරාල්වරයා වැඩිදුරටත් අවධාරණය කරයි.
