පෝට් සිටි තාවකාලිකව නවත්වයි

Published in පුවත්
Thursday, 05 March 2015 12:07

චීනයේ ආධාර ඇතිව ඉදිකෙරමින් පවතින කොළඹ වරාය නගර ව්‍යාපෘතිය තාවකාලිකව නැවත්වීමට ඊයේ (04දා) පැවැති කැබිනට් මණ්ඩල රැස්වීමේදී තීරණය කර තිබේ.

අග්‍රමාත්‍ය රනිල් වික්‍රමසිංහ මහතා විසින් ඉදිරිපත් කළ කැබිනට් පත්‍රිකාවට ඊයේ රැස්වුණු කැබිනට් මණ්ඩලය ඒකමතිකව අනුමැතිය ලබාදී අැත.

අදාළ ව්‍යාපෘතියේ පරිසර වාර්තා සහ ගිවිසුම්වල ඇති දුර්වලතා පිළිබඳව සොයා බැලීමට පත්කළ අමාත්‍ය මණ්ඩල අනුකමිටුවේ නිර්දේශ මත අග්‍රාමාත්‍යවරයා විසින් මෙම යෝජනාව සිදුකර ඇත.

කැබිනට් මණ්ඩලයට අග්‍රාමාත්‍යවරයා විසින් ඉදිරිපත් කළ යෝජනාවට අනුමැතිය ලැබී තිබුණේ මෙසේය.

වරාය නගර සංවර්ධන ව්‍යාපෘතිය විෂය අංක 27.

අදාළ ආයතනවලින් විධිමත් අනුමැතින් ලබානොගෙන ව්‍යාපෘතියේ කටයුතු ආරම්භ කර ක්‍රියාත්මක කර‍ෙගන යන බව මෙම ව්‍යාපෘතිය පිළිබඳව සමාලෝචනය කර නිර්දේශ ඉදිරිපත් කිරීම සඳහා පත්කර ඇති කමිටුව විසින් ආර්ථික කටයුතු පිළිබඳ අමාත්‍ය මණ්ඩල අනුකාරක සභාව වෙත ඉදිරිපත් කරන ලද අතුරු වාර්තාවේ සඳහන්ව ඇත. එම අතුරු වාර්තාවේ නිර්දේශ සැලකිල්ලට ගෙන වහාම ක්‍රියාත්මක වන පරිදි ව්‍යාපෘතියේ වැඩ කටයුතු තාවකාලිකව අත්හිටුවීමටත් ව්‍යාපෘතිය ක්‍රියාත්මක කිරීම පිණිස අදාළ ආයතනවලින් ලබාගෙන ඇති අනුමැතීන් සති දෙකක් ඇතුළත ඉදිරිපත් කරන ලෙසට ව්‍යාපෘති සමාගමට දැනුම්දීමටත් අග්‍රාමාත්‍ය රනිල් වික්‍රමසිංහ මැතිතුමා ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදී.


ඉකුත් මහින්ද රාජපක්ෂ රජය සමයේ ආරම්භ කළ කොළඹ වරාය නගර සංවර්ධන ව්‍යාපෘතිය ආරම්භ කළේ පරිසර අධ්‍යයන වාර්තා සැලකිල්ලට නොගෙන බවට පරිසර සංවිධාන චෝදනා කරයි.

මෙම ව්‍යාපෘතිය නතර කරන බවට ඉකුත් මැතිවරණ වේදිකාවේදී වත්මන් රජයේ නායකයින් පොරොන්දු දුන් බවට ද පරිසර සංවිධාන සහ තවත් විවිධ සංවිධාන පසුගිය දිනවල මාධ්‍ය හමු පවත්වමින් විරෝධතා පවත්වමින් අවධාරණය කරන ලදී.

මෙම වාතාවරණය යටතේ අදාළ ව්‍යාපෘතිය තාවකාලිකව නතර කිරීමට කැබිනට් මණ්ඩලය තීරණය කර ඇත.

 

Leave a comment

ld add copy

Gossip

ලේක්හවුස් අලුත් සභාපති හනුමට ඇඳගෙන ගේමක් ඉල්ලයි   

ලේක්හවුස් අලුත් සභාපති හනුමට ඇඳගෙන ගේමක් ඉල්ලයි  

සීමාසහිත එක්සත් ප්‍රවත්ති පත්‍ර සමාගමේ නව සභාපතිවරයා ලෙස පත්ව ආ ගාමිණී වරුෂමානගේ ක්‍රියාකාරීත්වය පිළ...

ජනප්‍රිය නිළි ශලනියි නිහතයි අතරට අලුත ආ අමුත්තා ..මෙන්න කතාව

ජනප්‍රිය නිළි ශලනියි නිහතයි අතරට අලුත ආ අමුත්තා ..මෙන්න කතාව

ශලනි තාරකා දැන් එයාගේ ජීවිතේ අලුත් පිටුවක් පෙරලමින් ඉන්නේ විවාහයත් එක්ක. ජනප්‍රියම නිළිය විදියට තවමත...

ටිල්වින් ඉවත් වෙයි..බිමල් එයි?   

ටිල්වින් ඉවත් වෙයි..බිමල් එයි?  

ජනතා විමුක්ති පෙරමුණේ ලේකම් ටිල්වින් සිල්වා මහතා මෙතෙක් කල් තමන් දැරූ තනතුරෙන් ඉවත්ව එම වගකීම් සියල්...

සජබ ට නායකත්ව මණ්ඩලයක්. විපක්ෂ නායක ධුරයට හර්ෂ ?

සජබ ට නායකත්ව මණ්ඩලයක්. විපක්ෂ නායක ධුරයට හර්ෂ ?

ඉදිරි මැතිවරණ ජයග්‍රහණය සඳහා සමගි ජනබලවේගය මෙහෙයවීමට නායකත්ව මණ්ඩලයක් පත් කිරීමට යෝජනා වී ඇතැයි දේශය...

අනං මනං

Connet With Us