'දෙමළ ජාතික සන්ධානයේ තරුණ කණ්ඩායම' ලෙස තමන්ව හඳුන්වාගත් එල්ටීටීඊ හිතවාදී තරුණයින් කණ්ඩායමක්, මරණ දඬුවම යන අනතුරු ඇඟවීම සමගින් මෙම පඹයින් එල්ලා ඇත. දෙමළ ජාතික සන්ධානයේ නායක ආර්.සම්බන්ධන් සහ පාර්ලිමේන්තු මන්ත්‍රී සුමන්දිරන්ට එරෙහිව ඔවුන් හඬ නගා ඇත.
“මෙම වීර භූමිය ද්‍රෝහීන්ට සමාව දෙන්නේ නැත. ජනතාවගේ හැඟීම් තේරුම් නොගන්නා පුද්ගලයින් නායකයින්ද?, ආත්ම ගෞරවයක් ඇති ජාතිය මුදලට පාවා නොදෙනු” යනාදී වශයෙන් හඬනඟා එම පිරිස විසිර ගිය බව ප්‍රදේශවාසීන් ප්‍රකාශ කර ඇත. දෙමළ ජාතික සන්ධානයේ ප්‍රාදේශීය සභා සභාපතිවරු සහ මන්ත්‍රීවරු කීපදෙනෙකුත්, පළාත් සභාවේ තරුණ මන්ත්‍රීවරු කීහිපදෙනෙකුත් එම කණ්ඩා‍මේ සිටි බව තහවුරු නොකළ ආරංචි මාර්ග සඳහන් කරයි.
වඩමාරච්චි කරවෙඩ්ඩි, මුත්තු විනායගර් කෝවිල ආසන්නයේ, ජාතික ලැයිස්තු පාර්ලිමේන්තු මන්ත්‍රී සුමන්දිරන්ගේ කාර්යාලය යනුවෙන් විවෘත කල තමිලරසු පක්‍ෂ කාර්යාලය සහ කයිතඩි හි ඇති උතුරු පළාත් සභාව ඉදිරියෙත්, යාපනය නගරයේ මාර්ටින් වීදියේ ඇති තමිලරසු පක්‍ෂ මූලස්ථානය ඉදිරිපිටත් සුමන්දිරන්ගේ රුව සහිත පඹයින් එල්ලා ඇත.
අතුරුදහන් වූවන් සම්බන්ධයෙන් මෙයට ඉහතදී යාපනයේ පැවති වි‍රෝධතාවයකදී සුමන්දිරන්ගේ රුව සහිත පඹයෙකු ගිනි තබන ලදි. එම සිදුවීම හේතුවෙන් තමිලරසු පක්‍ෂය, රාජපක්ෂවරුන්ගේ අනුග්‍රහය ලබන අනන්දි සසිදරන් ඇතුළු කිහිපදෙනෙකුට චෝදනා ඉදිරිපත් කර පරීක්‍ෂණයක් පවත්වන බව දන්වා තිබුණි.
කෙසේ නමුත් මෙම විරෝධතා පි‍ටුපස එල්ටීටීඊ ඩයස්පොරාවේ නායකයකු වන රුද්‍රකුමාරන් හා රාජපක්ෂවරුන්ගේ සම්බන්ධතාවයක් ඇති බව අනාවරණය වී ඇති බව දෙමළ ජාතික සන්ධානයේ ආරංචි මාර්ග පවසයි.
සැබැඳි පුවත් :
උතුරේ නොසන්සුන්තාව පි‍ටුපස මහින්ද - ඩයස්පෝරාවේ 4කුත් ගෙන්වලා
රාජපක්ෂ සසිදරන් රුද්‍රකුමාරන් සන්ධානය ආයෙත් වැඩ පටන් අරගෙන
