ජනාධිපති කාර්යාලය ලි ඛිත දැනුම් දීම කර ඇත්තේ ඊට අදාළ රාජ්‍ය පරිපාලන, පළාත් සභා, පළාත් පාලන සහ ප්‍රජාතන්ත්‍රීය පාලනය පිළිබඳ අමාත්‍යාංශය විසින් නිකුත් කරන ලද 2015/4 චක්‍රලේඛය අනුවය.
විවිධ විෂයයන් පිළිබඳව මෙසේ නිලධාරීන් ජනමාධ්‍ය වෙත ලබා දෙන ඇතැම් තොරතුරු හේතුවෙන් පසුගිය කාලවකවානුවේ දී ගැටලුකාරී තත්ත්වයක්‌ උද්ගත වී ඇති බව නිරීක්‍ෂණය වී ඇතැයි ද මෙම තත්ත්වය පිළිබඳව කඩිනම් අවධානය යොමු කර එවැනි තත්ත්වයන් ඇති නොවීමට අවශ්‍ය පියවර ගත යුතු යෑයිද එම චක්‍රලේඛයේ සඳහන් වෙයි.
තවද ජනමාධ්‍යයට හෝ මහජනතාවට නිල තොරතුරු සැපයීම සම්බන්ධයෙන් වන ආයතන සංග්‍රහයේ විධිවිධාන අනුව සියලුම රජයේ නිලධාරීන් කටයුතු කළ යුතු වන අතර ඉන් පරිබාහිරව කටයුතු කර කිසියම් ගැටලුකාරී වාතාවරණයක්‌ මතු වුවහොත් ඒ සමබන්ධයෙන් විනයානුකූලව ක්‍රියා කරන බව නිලධාරීන්ට දැන්වීමට පියවර ගන්නැයි එම චක්‍රලේඛයෙන් සියලුම අමාත්‍යාංශ ලේකම්වරුන්, පළාත් ලේකම්වරුන් හා දෙපාර්තමේන්තු ප්‍රධානීන් දැනුවත් කරනු ලැබ ඇත.
දිවයින ඇසුරෙනි
