දෙසැම්බර් 31 වනදාට ගිණුම්වල පැවති තැම්පතු ශේෂය මත පදනම්ව පොලි ගෙවීම සිදුකරන අතර නව ගිණුම් සඳහා 60 පිරෙන ජේෂ්ඨ පුරවැසියන්ට මිලියනයක් බැංකුවක තැම්පත් කිරීම මගින් 15%ක පොලිය ඉදිරියේදී ලබා ගැනීමට හැකිය.
සිදුවිය හැකි විවිධ අකටයුතුකම් වලක්වාලීමේ අපේක්ෂාවෙන් නව ස්ථාවර තැන්පතු සඳහා අදාල පොලිය ලබාදීමේ දී කිසියම් සීමා පනවන බවද මෙහිදී ප‍්‍රකාශ කළේය.
15%ක අදාල ඉහල පොලිය බද්ද ගිණුම් සඳහා ලබා නොදෙන බවද ඞී.එම්. ගුණසේකර මහතා පවසනවා. යෝජිත වරප‍්‍රසාදය ජ්‍යෙෂ්ඨ පුරවැසියන්ට පමණක් ලබාදීම සහතික කිරීම එයින් අපේක්‍ෂා කරන බව ඔහු කියා සිටියේය.
යෝජිත වරප‍්‍රසාදය සඳහා සලකා බැලෙන රුපියල් ලක්‍ෂ 10ක සීමාව එක් බැංකුවක තැන්පතු සඳහා නොව කිසියම් පුද්ගලයෙකු සමස්ත බැංකු ක‍්‍රමය තුළ පවත්වා ගෙන යන මුළු තැන්පතු සඳහා ම අදාල වන බවද මෙහිදී ප‍්‍රකාශ කෙරුණි.
අදාල වරප‍්‍රසාදය ලබා ගැනීම සඳහා කිසියම් පුද්ගලයෙකු සමස්ත බැංකු ක‍්‍රමය තුළ පවත්වා ගෙන යන සියලූ ගිණුම්වල ශේෂය රුපියල් ලක්‍ෂ 10හෝ ඊට අඩුවිය යුතුය.
