එරට පරිසරවේදීන් මේ බව සොයාගෙන තිබේ. මෙම අතිශය විෂ සහිත කෘමීන්, හාවන්. මීයන් මැරීමට යොදා ගන්නා 1080 නම් ඛේතය දරණ රසායනය (sodium fluoroacetate ) එළ හරකුන් බුදින තණ පිටිවල කෘමි මර්දනය සඳහා මෙන්ම එළකිරි ගබඩා වලදී යොදා ගන්න බව හෙලිවීම නිසා මේ වන විට මහත් ආන්දොලනාත්මක තත්වයක් ලෝක කිරිපිටි වෙළද පොළ තුළ ඇති වී තිබේ.
මෙම රසායනය කෘමි මර්දනය සඳහා යොදා නොගත යුතු බවටද දැඩි ඉල්ලීමක් පරිසර වේදීන්ගෙන් මිට පෙරද එරට රජය වෙත ඉදිරිපත්ව තිබිණි.
කෙසේ නමුත් මේ ආන්දෝලනාත්මක තත්වය හමුවේ නවසීලන්ත රජය හා ෆොන්ටෙරා සමාගම ප්‍රකාශය කරන්නේ මෙම කෘමිනාශක කිරිපිටි සඳහා මුසු වී ඇති බවට ඔප්පු වී නැති බවත් තම රටේ මෙම ව්‍යාපාරය කඩා ඉහිරවීම සඳහා 'පරිසර ත්‍රස්තවාදීන්'අසත්‍ය ප්‍රචාර ගෙන යන බවත්ය.
ඒ කෙසේ නමුත් පසු ගියදා ඇති වූ ඩීසීඩී ප්‍රශ්නයේදීද නවසීලන්තය රජය පැවැසුවේ මීට සමාන මතයක් වුවත් කිරිපිටිවල ඩීසීඩී අඩංගු බව පර්යේෂණ වලින් හෙළිවිය.
මෙරට වෙලඳ පොලේද වැඩිම අලෙවියක් සහිත කිරිපිටිවර්ගය වන්නේ ෆොන්ටේරා සමාගමේ නිශ්පාදනයක් වන ඇන්කර් නම් සන්නාමය සහිත කිරිපිටි වර්ගයය. මේ නිසා මෙම කිරිපිටි වල මේ කියනු ලබන කෘමිනාශක අඩංගුද නැද්ද යන්න ගැන වහාම පරීක්ෂණයක් පැවැත්විය යුතුව තිබේ.
