ත්‍රීකුණාමලය ප්‍රදේශයේ බලශක්ති කේන්ද්‍රස්ථානයක් ස්ථාපිත කරනු සඳහා සහය ලබාදීමට සූදානම් බවද ශ්රී ලංකාවේ දුම්රිය මාර්ග පද්ධතිය වැඩිදියුණු කිරීම සඳහා අමෙරිකානු ඩොලර් මිලියන 380 ක මුදලක් ප්‍රදානය කරන බවද ඉන්දීය අග්රාමාත්යවරයා කියා සිටියේය.
ඉන්දියාව හා ශ්රී ලංකාව අතර පවතින අන්‍යෝන්‍ය සැබැදියාව තවදුරටත් ශක්තිමත් වනු ඇතැයි තමන් විශ්වාස කරන බවත් ශ්රී ලංකාවේ සංවර්ධන ක්‍රියාදාමයේ කොටස්කරුවන් වීමට හැකියාව ලැබීම පිළිබඳ තමන් බෙහෙවින් සතුටුවන බවද පැවසුවේය.
“අසල්වැසියන් අතර සුහතාව වර්ධනය වීමට නම් විටින් විට ඔවුන් හමුවීම ඉතා වැදගත්. ශ්රී ලංකාව හා ඉන්දියාව අතර පවතින ආර්ථික සබදතාව දෙරටේ ශක්තිමත්ම පදනමයි. ඉන්දියාව, ශ්රී ලංකාව සමග ඉදිරියේ දී වඩාත් සමීපව කටයුතු කිරීමට බලාපොරොත්තු වෙනවා. ඒ අනුව දෙරටේ ධීවර ගැටළු විසදීම සදහා දීර්ඝ කාලීන විසදුම් ලබා දීමට කටයුතු කරනවා. ඒ සම්බන්ධයෙන් ශ්රී ලංකා ජනාධිපති මෛත්රීපාල සිරිසේන මහතා සමග සාකච්ඡා කලා. සංචාරන වීසා අවස්ථා ලබා දීම වැඩි කිරීමට පියවර ගන්නවා.“ යනුවෙන් ද මෝදි අගමැතිවරයා මෙම අවස්ථාවේ දී කියා සිටියේය.
ලංකාව හැකි ඉක්මනින් ආණ්ඩුක්‍රම ව්‍යවස්ථාවේ 13 වැනි සංශෝධනය අනුව බලය බෙදමින් ඉන් එහාටද, යන විසඳුමක් ක්‍රියාත්මක කිරීම වැදගත් බවද, එහිදී ඔහු පැවසීය.
මේ අතර ඉන්දීය අග්රාමාත්ය නරේන්ද්‍ර මෝදි මහතාගේ සහභාගිත්වයෙන් කොළඹ මහාබෝධි විහාරස්ථානයේදී විශේෂ උත්සවයක් ද අද පැවැත්වේ.
මෙම උත්සවයෙන් අනතුරුව අග්රාමාත්ය රනිල් වික්රමසිංහ මහතා විසින් පිරිනමනු ලබන දිවා භෝජන සංග්‍රහයටද ඉන්දීය අග්රාමාත්යවරයා සහභාගි වනු ඇත. එසේම පස්වරු 3.20 ට ඉන්දීය අග්රාමාත්යවරයා ශ්රී ලංකා පාර්ලිමේන්තුව ඇමතීමට නියමිතය. පස්වරුවේ නරේන්ද්‍ර මෝදි මහතා අනුරාධපුරයේ සංචාරයක නිරත වේ.
......................................................................................................................................................................................
මෝදි ජනපති මෛත්‍රීව මුණගැසේ
දිවයිනට පැමිණි ඉන්දීය අග්රාමාත්ය නරේන්ද්‍ර මෝදි සහ ජනාධිපති මෛත්රීපාල සිරිසේන අතර ද්වීපාර්ශවික සාකච්ඡා ජනාධිපති ලේකම් කාර්යාලයේදී මේ වනවිට ආරම්භ වී ඇත.
ඉන්දීය අග්රාමාත්යවරයා පෙරවරු 9.30 ට පමණ ජනාධිපති ලේකම් කාර්යාලය වෙත පිවිසි අතර, ඔහුව පිළිගනු ලැබුවේ ජනාධිපති මෛත්රීපාල සිරිසේන විසිනි. අනතුරුව ඉන්දීය අග්රාමාත්යවරයා වෙත හමුදා උත්තමාචාරයක් සහ සම්මාන වෙඩි මුරයක් ද පැවැත්වුයේය.
දැන් පැවැත්වෙන ද්වීපාර්ශවික සාකච්ඡාව සඳහා අග්රාමාත්ය රනිල් වික්රමසිංහ ද එක්ව සිටින අතර අනතුරුව ඉන්දීය රාජ්‍ය තාන්ත‍්‍රිකයන් සහ ශ්රී ලංකා රජයේ බලධාරින් අතර අවබෝධතා ගිවිසුම් කිහිපයකට ද අත්සන් තබනු ඇත.
