ගුණතිලක මහතා ජවිපෙන් දේශපාලනය අරඹා එහි ජනාධිපති අපේක්ෂකයකුද වු අතර එජනිසයෙන් කළුතර දිස්ත්‍රික්කයෙන් වැඩිම මනාප ලබා පාර්ලිමේන්තු මන්ත්‍රීවරයකු විය. ඔහු පසුව ඉන් ඉවත්ව විමල් වීරවංශ මහතා සමඟ ජාතික නිදහස් පෙරමුණ පිහි‍ටුවා ගැනීමටද මූලික විය. නමුත් පසුව ඉන් ඉවත් වී ශ්‍රී ලනීපයට එක්විය.
එහෙත් අවසන් වරට පැවැති මහ මැතිවරණයේදී ඔහුව මහජන නියෝජිතයකු ලෙස තෝරා පත් කර නොගැනීමට ජනතාව තීන්දු කළේය. ඉන් පසුව ශ්‍රී ලංකා නිදහස් පක්ෂයේ පානදුර සංවිධායක හා පානදුර නගර සභාවේ සභාපතිවරයාව සිට පසුගිය ජනාධිපතිවරණය ආසන්නයේදී මහින්ද රාජපක්ෂව පරාජය කළ යුතු යැයි ද ඒ සඳහා විපක්ෂයේ පොදු අපේක්ෂකයාට සහය දිය යුතු බව කියමින් ආණ්ඩුවෙන් ඉවත් වූ මුල්ම ශ්‍රිලනීප පාක්ෂිකයා වූයේද ඒ මහතාය.
ඔහු ඒ වකවානුවේදි පළමු පෙරමුණ නම් සංවිධානයකට නායකත්වය දෙමින් මෛත්‍රීපාල සිරිසෙන මහතාගේ මැතිවරණ ව්‍යපාරයට සහය දැක්වීය.
මේවන විට ඔහු හා ස්වාධීන රුපවාහිනියේ මාධ්‍යවේදියකුව සිටි ව්‍යාපාරික අසංග ජයලත් මහතාව අගලවත්ත එජාප සම සංවිධායකවරු ලෙස පත් කෙරෙනු ඇතැයි වාර්තාවේ.අගලවත්ත සංවිධාකව සිටි කිත්සිරි කහටපිටිය මහතාව ඉන් ඉවත් කර ඇත. අසංග ජයලත් මහතා පසුගිය ජනාධිපතිවරණයේ මෛත්‍රීපාල සිරිසේන මහතාගේ ජයග්‍රහණය වෙනුවෙන් වෙබ් අඩවි හා සමාජ ජාලා ප්‍රවර්ධන කටයුතුවල යෙදී සිටියේය.
