වෘත්තීය සුදුසුකම් හෝ අධ්‍යාපන සුදුසුකම් තිබීම, ශ්‍රී ලංකාව තුළ රුපියල් මිලියන 2.5 ක හෝ ඊට වැඩි වටිනාකමකින් යුත් නිශ්චල දේපළ හිමිකම තිබීම, ශ්‍රී ලංකා මහ බැංකුවේ අනුමත බැංකුවක රුපියල් මිලියන 2.5 ක්‌ හෝ ඊට වැඩි මුදලක්‌ වසර 03 ක කාලයක්‌ සඳහා ස්‌ථාවරව තැන්පත් කිරීම, මහ බැංකුවේ අනුමත ඕනෑම වාණිජ බැංකුවක අනේවාසික විදේශ මුදල් ගිණුම් හෝ නේවාසික විදේශ මුදල් ගිණුම් කළ ඩොලර් 25000 ක්‌ හෝ ඊට වැඩි ප්‍රමාණයක්‌ වසර 03 ක කාලයක්‌ සඳහා ස්‌ථිර තැන්පතුව පවත්වාගෙන යැම, භාණ්‌ඩාගාර සුරැකුම්පත් හෝ සුරැකුම්පත් ආයෝජන ගිණුමක ඩොලර් 25000 ක්‌ හෝ ඊට වැඩි ප්‍රමාණයක්‌ වසර 03 ක කාලයක්‌ සඳහා ආයෝජනය කිරීම සහ වයස අවුරුදු 55 සම්පූර්ණ කිරීම යන සුදුසුකම් අතුරින් අවම වශයෙන් එක්‌ සුදුසුකමක්‌ හෝ සපුරණ අයෙකුට මේ සඳහා අයැදුම් කළ හැකි වෙයි.
සුදුසුකම් ලබන අයැදුම්කරුවකුගේ කාලත්‍රය හෝ වයස අවුරුදු 22 ට අඩු අවිවාහක දරුවන්ද ද්විත්ව පුරවැසිභාවයට සුදුසුකම් ලබයි.
මහජන සාමය, ආපදා කළමනාකරණ හා ක්‍රිස්‌තියානි කටයුතු අමාත්‍යාංශය නව පරිපාලන ක්‍රමවේදයක්‌ යටතේ මෙම ද්විත්ව පුරවැසිභාවය ලබා ගැනීමට අවශ්‍ය සුදුසුකම් සකස්‌ කර ඇත.
මෙම යෝජනාවට ඇමැති ජෝන් අමරතුංග මහතා ඇමැති මණ්‌ඩලයේ අනුමැතිය ද ලබාගෙන තිබේ.
divaina
