මේ රටේ සිදුවන සෑම වංචාවක් පිළිබඳවම ජනතාවට හෙළි කරන්නේ තමන් යැයි කියා ගන්නා ජනතා විමුක්ති පෙරමුණ විශාලම මූල්‍ය මංකොල්ලය පිළිබඳ කිසිදු ප්‍රකාශයක් නොකිරීම හෝ උද්ඝෝෂණයක් නොකිරීම විපක්ෂයේ කාර්ය භාරය පැහැර හැරීමක් බවද විපක්ෂ නායකවරයා පෙන්වා දුන්නේය.
ශ්‍රී ලංකා මහබැංකුවේ සිදුවූ බව කියන බැඳුම්කර වංචාවට විරෝධය පළ කරමින් ශ්‍රී ලංකා නිදහස් පක්ෂය විසින් මහ බැංකුව ඉදිරිපිට ඊයේ (18) සංවිධාන කර තිබූ උද්ඝෝෂණයට එක්වෙමින් විපක්ෂ නායක නිමල් සිරිපාල ද සිල්වා මහතා මේ බව කීවේය.
වංචා පිළිබඳ අධීක්ෂණය කරන ජනතා විමුක්ති පෙරෙමුණ මේ පිළිබඳ කිසිදු විරෝධතාවයක් නොදැක්වීම සැකයට හේතුවන බව පෙන්වා දුන් සිල්වා මහතා අගමැතිවරයාගේ තුරුල්ලට වී හැංගී සිට ජවිපෙ දේශපාලන වාසි ලබාගන්නා බවද වැඩිදුරටත් කීය.
dinamina
