ඔහු පවසන පරිදි "අපි මීට පෙර හිටපු ජනාධිපතිගෙනුත් ඉල්ලලා සිටිය උතුරු නැගෙනහිර ජනතාවගේ ප්‍රශ්න වලට ඉක්මනින් විසඳුම් ලබාදෙන ලෙස. චන්ද්‍රිකා බණ්ඩාරනායක 1994 ජනාධිපති උනාට පස්සේ ඇය ඉතා උනන්දුවක් දැක්වුවා දෙමළ ජනතාවගේ දුක්ගැනවිලි නිරාකරණය කරන්න සහ ඒ ප්‍රශ්න වෙනුවෙන් දේශපාලන විසඳුමක් ඇතුලත් සාකච්ඡා මාර්ගයකට පිවිසීමට. පසුගිය රජය පරදා නව රජය පැමිණීමත් සමඟ දිගින් දිගටම දේශපාලනමය වෙනස් කම් සිදුවෙමින් පවතිනවා. සිංහල ජනතාව ඡන්දය දුන්න වගේම බහුතර දෙමළ ජනතාවකුත් ජනාධිපති මෛත්‍රිපාල සිරිසේන මහතාට ඡන්දය ලබා දුන්නා. "
ජනාධිපති සිරිසේන මැතිවරණයෙන් ජය ලැබුවා. එම ජයග්‍රහණයේ ප්‍රතිලාබ සියලු දෙනාටම ලැබිය යුතුයි. අපි විශ්වාස කරන විදියට ජනාධිපති තුමා දෙමළ ජනතාවගේ නිත්‍යානුකුල අයිතීන්වලට ගරු කරනු ඇති. අපි පැහැදිලි ලෙස අවධානය යොමු කළයුත්තේ එම අයිතීන් දිනාගැනීම සඳහායි. ජනාධිපතිවරණයේ ප්‍රතිපලය මඟින් එවැනි විසඳුමක් ලබාදිය නොහැකිනම් දෙමළ ජනතාවගේ අනන්‍යතාවය වෙනුවෙන් කිසිවක් ඉතිරි නොවෙයි. ජාත්‍යන්තර ප්‍රජාවත් මෙම දේශපාලන ගැටලුවට ඉක්මන් විසඳුමක් ලබාදෙන ලෙස ඉල්ලා සිටිනවා.
