පසුගිය රාජපක්ෂ පාලන සමයේදී ආණ්ඩු විරෝධි වෙබ්කරුවන් මා‍ෆියා කරුවන් ලෙස හංවඩු ගැසුනු අතර වෙබ් මා‍ෆියාවේ ගෝඩ් ෆාදර්,මංගල සමරවීර මහතාගේ ලේකම් රුවන් ෆර්ඩිනැන්ඩස් බවට ද ප්‍රචාරයක් ගෙන ගියේය.
ඒ කෙසේ නමුත් එළඹෙන මහ මැතිවරණ ඉලක්ක කරමින් එක්සත් ජාතික පක්ෂ නායක සහ අග්‍රමාත්‍ය රනිල් වික්‍රමසිංහ මහතාගේ උපදෙස් පරිදි එජාප සන්නිවේදන බලකාය භාර අමාත්‍ය මංගල සමරවීර සහ සාගල රත්නායක යන මහත්වරුන්ගේ මෙහෙයවීමෙන් එක්සත් ජාතික පක්ෂය විසින් අලුත් වෙබ් සහ සමාජ ජාල මෙහෙයුමක් ඇරඹීම වෙනුවෙන් මේ තේපැන් සංග්‍රහය පවත්වා ඇත.
මෙහිදී ෆේස් බුක් සඳහා විශේෂ අවධානමක් යොමුකොට ඇති අතර දේශපාලන, ගොසිප්, කලා සහ විවිධ සමාජ ක්‍රියාකාරකම් වෙනුවෙන් වන ජනප්‍රිය ෆේස් බුක් පිටු හිමිකරුවන් සම්බන්ධීකරණය කොට මේ සඳහා කැඳවා ඇත.
වෙනත් දේශපාලන පක්ෂවලට සම්බන්ධ එහෙත් පොදුවේ මධ්‍යස්ථ මත දරන පිරිස්ද එජාපයේ මෙම සමාජ ජාල මෙහෙයුමට සම්බන්ධ කරගැනීමට සැලැසුම් සකස් කොට ඇත. ඒ අනුව වෙබ් අඩවි සහ බ්ලොක් අඩවි තුළිනුත්, සමාජ ජාල තුළිනුත් එක්සත් ජාතික පක්ෂයට එරෙහිව ගොඩනැගෙන මතවාද අවම කිරීමටත්, ඉදිරි මහමැතිවරණයේදී බහුතර බලයක් එජාපය සතුකරගැනීමත් මෙම සැලසුම යටතේ අපේක්ෂිත බවට වාර්තාවේ.
