විධායක ජනාධිපතිධුරයට පත් වූ පුද්ගලයකු වශයෙන් එහි බලතල ඉවත් කිරීමට කැමති වූ තමා තරම් නම්‍යශීලී වූ තවත් පුද්ගලයකු ඇත්දැයි සිතා ගන්නට නොහැකි බව ජනාධිපතිවරයා පැවසුවේය.
ඔහු වැඩිදුරටත් අදහස් දක්වමින් මෙසේ පැවසුවේය.
‘මෙම ඓතිහාසික සංශෝධනය අඟහරුවාදා (28) සම්මත කර ගැනීමට බලාපොරොත්තු වේ. යහපත් හා ප්‍රජාතන්ත්‍රවාදී දේශපාලන සංස්තෘතියක් ඉදිරිපත් කිරීමට මුල් වූ ඩී එස් හා එස්ඩබ්ලිව් ආර් ඩී බණ්ඩාරනායක නායකය මහතා ගෙන ගිය වැඩපිළිවෙළ ඉදිරියටත් අප ගෙන යා යුතුයි.
විධායක ජනාධිපති ධුරයේ ඇති අසීමිත බලතලවලට ශ්‍රීලනිපය එරෙහි වුණා. 1999 දී එහි අසීමිත බලතල ඉවත් කළ යුතු බව එජාපයත් ප්‍රකාශ කළා. එම අත්තනෝමතික බලතල ඉවත් කිරීමට ඉන් පසු පැවැති ආණ්ඩු නොයෙක් අවස්ථාවල දී කියා සිටියත් එය ඉටුවූයේ නෑ. මහින්ද රාජපක්ෂ පාලනයත් පැහැදිලි ලෙස පැවසුවේ එහි අසීමිත බලතල ඉවත් කළ යුතු බවයි. එහෙයින් ස්වාධීන කොමිෂන් සභා ඇතුළු යහපත් නීති පැනවීමේ අවශ්‍යතාව පාසල් දරුවන් පවා අගය කරනවා.‘
19 වන ව්‍යවස්ථා සංශෝධනයේ පෞද්ගලික මාධ්‍යයට බලපාන පරිදි ඇතුළත් කර තිබූ වගන්ති ජනපතිගේ මැදිහත් වීමෙන් ඉවත් කළ බව විපක්ෂ නායක නිමල් සිරිපාල ද සිල්වා මහතා පැවසුවේය.
