එරට ශ්‍රී ලාංකික ප්‍රජාව පවසන්නේ තානාපතිවරයාගේ දූර කාලය ඉදිරියට තිබියදීත් මෙලෙස හසිදි කැඳවිමක් කිරීම ප්‍රශ්ණ සහගත බවයි.
එමෙන්ම වසර 22 ක පමණ විදේශ සේවා පලපුරුද්දක් ඇති තානාපතිවරයා මේ අයුරින් හදිසියේ කැඳවීම නිසා ඔහුට රාජ්‍ය තාන්ත්‍රික පිළිවෙලකට යාමට ඇති අවස්ථාව ඇහිරී තිබීම ශ්‍රී ලංකාවට මහත් අගෞරවයක් බවද එරට ශ්‍රී ලාංකිකයෝ පවසති.
ඕමාන ජාතික හාම්පුතෙකුගෙන් ශ්‍රී ලාංකික ගෘහ සේවිකාවකට සිදු වු අතවරයක් පිළිබඳ සිද්ධියක් එහි කම්කරු අංශයේ නිලධාරීන් විසින් යට ගසන ලදැයි තානාපතිවරයා මැදිහත් වී ඒ පිළිබඳව පරීක්ෂණ ඇරඹිම තානාපතිවරයාගේ හදිසි මාරුවට හේතුවක් ද යන්න ඔවුහු ප්‍රශ්ණ කරති.
එම ගෘහ සේවිකාව හාම්පුතාගේ අතවරයට ලක්ව ගැබ්ගෙන තානාපති කාර්යාලය බාරයේ ඇති ‘‘සුරක්ෂා‘‘ නිවසේ රඳවා සිටියදී ගබ්සාවක් සිදු කර ඇති බවට ගිය රාවයක් නිසා ඒ පිළිබඳ තානාපතිවරයා ස්වාධීන පරීක්ෂණයක් අරඹා ඇති බවද වාර්ථා වෙයි.
ඕමාන ශ්‍රී ලාංකික ප්‍රජාව පවසන්නේ තානාපතිවරයා මාරු කොට මේ සිද්ධීන් යට ගැසීමට කම්කරු අංශයේ ඇතැම් දූෂිත නිලධාරීන් උත්සහ කරන බවයි.
මේ සඳහා රජයේ ඇමතිවරයෙකුගේ සහායද ලැබී ඇති බව වාර්ථා වෙයි.
මේ පිළිබඳව පිළිතුරක් ලබා ගැනීමට විදේශ කටයුතු අමාත්‍යංශය ඇමතු විට එහි උසස් නිලධාරියෙක් පැවසුවේමේ පිළිබඳව තමන් නොදන්නා බැවින් සොයා බලා ලබන සතියේ පිළිතුරක් ලබා දෙන බවයි.
මේ අතර ‘‘සුරක්ෂා‘‘ නිවසේ රඳවා සිටින ගෘහසේවිකාවන් කිහිප දෙනෙකුම තම දිවි තොරකර ගැනීමට උත්සහ කර ඇති බැවින් එම කාන්තාවන්ගේ ජීවිත අනාරක්ෂිත බවද ඔවුහු කියති.
(ලංකාදීප)
