පසුගියදා බැසිල් රාජපක්ෂ මහතාවද අත් අඩංගුවට ගැනුනේ මෙලෙස ප්‍රශ්න කිරීම සඳහා කැඳවීමෙන් පසුවය. රිමාන්ඩ් භාරයේ පසුවන රාජපක්ෂ මහතා හෙට දින යළි අධිකරණය හමුවට ඉදිරිපත් කිරීමටද නියමිතය.
ඉකුත් කාලයේ ලංකා සතොසෙන් රුපියල් මිලියන පහක භාණ්‌ඩ ලබාගෙන මුදල් නොගෙවීමේ සිද්ධියක්‌ සම්බන්ධයෙන් සිදු කෙරෙන විමර්ශනයකට අනුව ජොන්ස්ටන් ප්‍රනාන්දු හිටපු ඇමැතිවරයා මූල්‍ය අපරාධ කොට්‌ඨාසයට කැඳවන බව පොලිසිය සඳහන් කරයි.
මීට පෙර අවස්‌ථාවක ජොන්ස්ටන් ප්‍රනාන්දු මහතා අල්ලස්‌ හෝ දූෂණ විමර්ශන කොමිසමට වෙත කැඳවා වත්කම් පිළිබඳ ප්‍රකාශයක්‌ ලබා ගැනීමටද කටයුතු කෙරිණි.
මීළඟ මහ මැතිවරණයේදී හිටපු ජනපති මහින්ද රාජපක්ෂ මහතාට අගමැති අපේක්‌ෂකයා ලෙස ශ්‍රී ලනිපයෙන් තරග කිරීමට ඉඩ දිය යුතු බවට බලකරමින් මෙම 08 වැනිදා (සිකුරාදා) කුරුණෑගල නගරයේ පැවැත්වීමට නියමිත දේශපාලන රැස්‌වීම කඩාකප්පල් කිරීම මෙහි යටි අරමුණ බව මහින්ද හිතවාදි ප පිල ප්‍රචාරය කරමින් සිටියද ජොන්ස්ටන් ප්‍රනාන්දු මහතා එම කටයුතු වලින් ඉවත්ව සිටින්නෙකි. ඔහුට එරෙහිව ඇති බරපතල චෝදනා නිසා ජනාධිපතිවරයාට හිතවත්ව සිටිමින් අත් අඩංගුවට පත් නොවීසිටීම සඳහා ඔහු පසුගිය සති කිහිපයේදී දැඩි උත්සහයක් ගනිමින් සිටියේය.
