මේ අනුව ගිය වසර (2014) සඳහා අයවැයෙන් අනුමත ඇස්‌තමේන්තුව වූයේ රු. කෝටි 51612.6 ක සමස්‌ත අයවැය හිඟයකි. එහෙත් එම ඉලක්‌කය බිඳ වැටී ගිය වසර අගදී සමස්‌ත අයවැය හිඟය රු.කෝටි 59124.4 ක් දක්‌වා ඉහළ ගොස්‌ තිබේ. මේ හේතුවෙන් දළ දේශීය නිෂ්පාදිතයේ ප්‍රතිශතයක්‌ ලෙස සියයට 5.2 ක් දක්‌වා සමස්‌ත අයවැය හිඟය අඩුකර ගැනීමට ඉලක්‌කකළත් එය සියයට 6 දක්‌වා ඉහළ ගියේය.පසුගියදා නිකුත්වූ ශ්‍රී ලංකා මහ බැංකුවේ නවතම වාර්ෂික වාර්තාවේ (2014) මේ බව සඳහන් වේ.
අයවැය හිඟය ඉහළ යෑමට එක්‌ ප්‍රධාන හේතුවක්‌ වී ඇත්තේ රාජ්‍ය බදු ආදායම් අඩුවීම ලෙස හුවා දැක්වීමට රාජපක්ෂ හිත්වාදීන් කටයුතු කරමින් සිටියද සත්‍ය හේතුව රාජ්‍ය වියදම් පක්ෂය ඉහළ යාම කළමණාකරණය කරගැනීමට එම පාලනය විසින් අසමත් වීමය. නාස්තිකාර අනවශ්‍ය වියදම් මෙන්ම දුෂණ වංචා රැසක් පසුගිය වසර තුලදී සිදුවිය.
එමෙන්ම හිටපු ජනාධිපති මහින්ද රාජපක්ෂ පසුගිය වසරේ ඔක්තෝබර් 24 වැනිදා ගෙනා 2015 අයවැයට පසුව සංශෝධනයක් කළ අතර එමඟින් අයවැය ලේඛනයේ සඳහන් අයවැය හිඟයට වඩා රුපියල් කෝටි තිස්පන් දහස් හයසියයකින් අයවැය හිඟය ඉහළ ගියේය. නව රජයේ අතුරු අයවැයක් ගෙන එමින් රුපියල් බිලියන 591 වූ රාජපක්ෂගේ අයවැය හිඟය රු. බිලියන 499 ක් ලෙස අඩු කිරීමට ඇස්‌තමේන්තු කර තිබේ. එය දළ දේශීය නිෂ්පාදිතයේ ප්‍රතිශතයක්‌ ලෙස සියයට 4.4 කි.
