"අපි තුල ලොකු බලාපොරොත්තුවක් තියෙනවා මෛත්‍රිපාල ජනාධිපතිවරයා දශක හයක් පුර පවතින දමිළ ජනතාවගේ ගැටලුව පිළිබඳ සිංහල ජනතාව දැනුවත් කර සාධාරණ විසඳුමක් ලබාදීමට උත්සහ කරනු ඇති බව." ඔහු පවසයි.
ඔහු වැඩි දුරටත් සඳහන් කරන්නේ තම පක්ෂය මේ රටෙන් වෙනම රාජ්‍යයක් නොඉල්ලන බවයි.
"අපි ජනවාර්ගික ප්‍රශ්නයට ෆෙඩරල් විසඳුමක් ඉල්ලන්නෙත් නෑ."
සම්බන්ධන් මන්ත්‍රීවරයා පවසන පරිදි රජයේ මුරණ්ඩු ප්‍රතිපත්ති තම පක්ෂයට වෙනම රාජ්‍යක් ඉල්ලීම සඳහා බලකෙරුණු බවයි. නමුත් චෙල්වනායගම් පරික්ෂාකාරී ලෙස ජනවාර්ගික ගැටලුවට වඩා සුදුසු විසඳුමක් වඩ්ඩුකොඩෙයි ප්‍රඥප්තිය හරහා යෝජනා කළ බව ඔහුගේ අදහසයි.
"දෙමළ ජනතාව පාර්ලිමේන්තු මැතිවරණයක් බලාපොරොත්තු වෙනවා. ජාත්‍යන්තර ප්‍රජාවත් මැතිවරණ ප්‍රතිපල පිළිබඳ අවදියෙන් සිටිනවා. දෙමළ ජනතාව තම ඡන්දය ලබාදිය යුත්තේ ජනවාර්ගික ගැටලුවට සාධාරණ විසඳුමක් සඳහා රජය මෙහෙයවිය හැකි පක්ෂයක් වෙතයි." සම්බන්ධන් මන්ත්‍රීවරයා පවසයි.
