අලුත් කොට්ඨාස ඡන්ද ක්‍රමය යටතේ මේ වසරේදී මෙම ඡන්දය පැවැත්වෙන බවද ජනාධිපතිවරයා කීවේය. පළාත් පාලන ආයතන 270 විසුරුවා හැර එහි බලය විශේෂ කොමසාරිස්වරයකු යටතට පැවරන බවද ජනාධිපතිවරයා පැවැසීය. ජනාධිපතිවරයා මෙසේ සඳහන් කළේ බේරුවල ප්‍රාදේශීය සභාව සහ පයාගල රාජිත සේනාරත්න ක්‍රීඩාංගණය විවෘත කිරීමේ අවස්ථාවට ඊයේ (12) සහභාගි වෙමිනි.
විශේෂ කොමසාරිස්වරයකු ලෙස පත් කෙරෙන්නේ පළාත් පාලන ආයතනවල ලේකම්වරයා බවද හෙතෙම කීවේය.
පසුගිය මාර්තු 31 වන දින පළාත්පාලන ආයතනවල කාලය අවසන් වූ අතර ඒ මැයි 15 වන දින දක්වා දීර්ග කරනු ලැබීය. කෙසේ නමුත් ශ්‍රී ලනීපයේ මහින්ද වාදීන්ගේ මතය වූයේ පළාත්පාලන ආයතන කොමසාරිස්වරුන් යටතට පත් නොකළ යුතු බවත් එහි කාලය දීර්ග කළ යුතු බවත්ය. මහින්දවාදීන්ගේ බලය රැඳී තිබුණේ මෙම පළාත්පාලන මන්ත්‍රීවරු මතය.
