නාරාහේන්පිට විශේෂිත ආර්ථික මධ්‍යස්ථානය, මරදාන ට්‍රිපෝලි වෙළෙද මධ්‍යස්ථානය සහ කොටුව පාවෙන වෙළෙඳ සංකීර්ණය සදහා දැනටමත් එම පහසුකම් ලබා දී අවසන් බව ශ්‍රී ලංකා තොරතුරු හා සන්නිවේදන තාක්‍ෂණ නියෝජිතායතනය (ICTA)පවසයි.
ඉදිරි දින කිහිපය තුලදී බේරුවල පට්ටකඩේ මැණික් පොළ සදහාද මෙම පහසුකම් ලබා දීමට නියමිතය.
මෙම වයිෆයි පහසුකම් ලබා දීම මගින් මෙම වෙළෙද මධ්‍යස්ථානයන්හි අලෙවිකරුවන්ට මෙන්ම ගැණුම්කරුවන්ට සිය කටයුතු කාර්යක්‍ෂමව සිදු කර ගැනීමට විශාල රුකුලක් වන බවද නියෝජිතායතනය වැඩිදුර‍ටත් සදහන් කරයි.
මේවන විට දිවයින පුරා ස්ථාපිත කර තිබෙන වයිෆයි කලාප ගණන සියයකි.
එක් පුද්ගලයෙකු සඳහා තත්පරයට කිලෝ බයිට් 512ක වේගයකින් යුතු මසකට මෙගා බයිට් (MB) 100ක ධාරිතාවයකින් යුතු අන්තර්ජාල සබඳතාවක් නොමිලේ ලබාගත හැකිවේ.
