යාපනයේ පළමු වතාවට පැවැත්විමට නියමිත බෞද්ධ සම්මේලනය පිළිබඳව දැනුම් දීම සඳහා අරලිය ගහ මන්දිරයේ දි ඊයේ (15) පැවති මාධ්‍ය හමුවක දී මාධ්‍ය‍වේදියකු ඇසු ප්‍රශ්නයකට පිළිතුරු දෙමින් අගමැතිව‍රයා මේ බව පැවසිය .
තවදුරටත් අගමැතිව‍රයා මෙසේද පැවසිය .
මෙම තහනම් නියෝගය ආණ්ඩු ක්‍රම ව්‍යවස්ථාවට අනුකූලව නිකුත් වී නොමැති නම් එය ක්‍රියාත්මක කළ යුතු ද යන්න පිළිබඳව නීතිපතිවරයාගෙන් උපදෙස් ගැනීමට පොලිසිය ක්‍රියා කරමින්ඇතැයි මා විශ්වාස කරනවා.
ගෝඨාභය රාජපක්ෂ මහතාගේ මූලික අයිතිවාසිකම් පෙත්සමේ පිටපතක් මට පෙරේදා (14) හවස ලැබුණා. එහි පිටු 600ක් තිබෙනවා. එය කියවා බැලිමට මගේ නිතීඥයින්ට ලබා දුන්නා.පෙත්සමේ පිටපතක් ලැබුණ ද අධිකරණය නිකුත් කැර ඇතැයි මාධ්‍යය මඟින් දැනගන්නට ලැබුණු නියෝගයේ පිටපතක් ලැබුණේ නැ. මා දන්නා පරිදි ශ්‍රේෂ්ඨාධිකරණය තවමත් නියෝගයක් නිකුත් කර නැ. ප්‍රමාදයක් පවතින්නේ නමි යුක්තිය පමා වේ නම් යුක්තිය ප්‍රතික්ශේප වේ යැයි නීතී සිද්ධාන්තයක් පවතින වා. පිළිතුරු දීමේ අවස්ථාව ඔක්තෝම්බර් දක්වා කල් යන්නේ නම් පිළිතුරු දිමට සිදු වන්නේ නව කැබිනට් මණ්ඩලයට යි.
ආණ්ඩු ක්‍රම ව්‍යවස්ථාවේ 132 (2) ව්‍යවස්ථාව අනුව ශ්‍රේෂ්ඨාධිකරණයේ වැඩ කටයුතු විනිසුරුවරුන් තිදෙ‍නකුට නොඅඩු සංඛ්‍යාවක් මඟින් ක්‍රියාත්මක විය යුතුයි.
126(2)ව්‍යවස්ථාව අනුව මූලික අයිතිවාසිකම් සහනයක් ඉල්ලා සිටි අවස්ථාවකදී පෙත්සමට අවසර දීම හෝ ප්‍රතික්ශේප කිරිම විනිසුරුවරුන් දෙදෙනකුට නොඅඩු සංඛ්‍යාවකට කළ හැකි වුවත් තහනම් නියෝගයක් නිකුත් කරන්නේ නම් විනිසුරුවරුන් තිදෙනකු සිටිය යුතුයි. නීතිඥයින් මගේ අවධානයට යොමු කළා. ඒ අනුව විනිසුරුවරුන් දෙ‍දෙනකු දී ඇති නියෝගය පිළිබඳව ගැටලුවක් පවතිනවා. මේ සම්බන්ධයෙන් නීතීඥයින්ට අගමැති අතිරේක ලේකම්වරිය සහ නීතීපතිවරයා සමඟ සාකච්ජා කර අවශ්‍ය කටයුතු සිදු කරන ලෙස මා දැනුම් දුන්නා.
නියෝගය ආණ්ඩු ක්‍රම ව්‍යවස්ථාවට පටහැනි ආකාරයෙන් නිකුත් කර ඇති නම් එය පොලිසියට බලපාන්නේද යන්න පිළිබඳව නිතීපතිවරයා සමඟ සාකච්ජා කර පියවරක් ගන්නවා.
divaina
