එල්.කේ. විමලචන්ද්‍ර මහතා ඊයේ(15) දිනයේ සිට නිල වශයෙන් ඉල්ලා අස්වී ඇති බව ඇය සඳහන් කළාය.
සම්මත වූ 19 ව්‍යවස්ථා සංශෝධන ක්‍රියාත්මක කිරීමට නියමිත නව කොමිෂන් සභා පත් කිරීමට ඉඩ සලසා දෙමින් ඒ මහතා ඉල්ලා අස්වීමට හේතුවී ඇති බව දිල්රුක්ෂි ඩයස් මහත්මිය පැවසුවාය.
කෙසේ වෙතත් 19 වන ව්‍යවස්ථා සංශෝධනයෙන් අන්තර් කාලීන ප්‍රතිපාදන තිබේනම් අල්ලස් හෝ දුෂණ චෝදන විමර්ශන කොමිෂන් සභාව නව කොමිසමක් පත් කරන තෙක් ක්‍රියාත්මක විය හැකි බවද ඒ මහත්මිය අවධාරණය කරයි.
මේ හේතුවෙන් කොමසාරිස්වරයෙකු ඉල්ලා අස්වු පමණින් අදාළ කොමෂන් සභාවේ අක්‍රීය නොවන බවද ඇය පෙන්වා දෙයි.
19 වන ව්‍යවස්ථා සංශෝධනයෙන් මේ වන තෙක් නිල පිටපතක් තමන්වෙත නොලැබී ඇති බැවින් කොමසාරිස්වරුන්ගේ නෛතික තත්ත්වය පිළිබඳව කිසිවක් කිව නොහැකි බවත්, දැනට පවතින කොමිසම විධානයක් මාර්ගයෙන් ආරම්භකර ඇති විමර්ශන කටයුතු තවදුරටත් කරගෙන යා හැකි බවත් අධ්‍යක්ෂ ජනරාල්වරිය සඳහන් කළාය.
නමුත් නව විමර්ශන කටයුතු ආරම්භ කළ නොහැකි බවත්, එනමුදු මහජනතාවගේ පැමිණිලි බාරගත හැකි බවත් ඒ මහත්මිය පැවසුවාය.
දැනට පවතින කොසමිසන් සභාවේ විධානයකින් පසුව ආරම්භ කර ඇති විමර්ශන ඉදිරියට පවත්වාගෙන යා හැකි බවත්, නමුත් ඒ සඳහා නඩු පැවරිය නොහැකි බවත්, ඇය වැඩිදුරටත් සඳහන් කළාය.
අද දෙරණ
