එම අමාත්‍යංශයේ ඉහළ නිලධාරියෙක් පැවසූ පරිදි මහාමාර්ග සහ ආයෝජන ප්‍රවර්ධන අමාත්‍ය කබීර් හෂීම් චීනයේ ආධාර ඇතිව සිදුකරන අධිවේගී මාර්ග ව්‍යාපෘති නැවත ඇරඹීම පිළිබඳ මෙරට චීන තානාපති යී ක්ෂියාන් ලියාංග් සමඟ සකච්ඡා කොට තිබේ.
මහාමාර්ග අමාත්‍යංශය පවසන පරිදි කඩවත සහ කෙරවළපිටිය අතර පිටත වටරවුම් අධිවේගී මාර්ගය සති දෙකක කාලයක් ඇතුලත ආරම්භ කිරීමට නියමිතයි. අමාත්‍යංශයෙන් පත් කළ විමර්ශන කමිටුව මේ ව්‍යාපෘතියට අදාළව කොන්ත්‍රාත් බාරව සිටින සමාගම් සමඟ සකච්ඡා කොට රුපියල් බිලියන 25ක පමණ මුදලක් ඉතුරු කිරීමට කටයුතු යොදා තිබේ.
මේ අනුව කඩවත සිට කෙරවලපිටිය දක්වා කිලෝ මීටර් 9.23 ක මාර්ගය ඉදිකිරිම සඳහා මීට පෙර පසුගිය රජය මගින් බිලියන 66.7ක මුදලකට චීන ඉදිකිරිම් සමාගමකට ලබාදී තිබුනත් එය නැවත රුපියල් බිලියන 41.7 දක්වා සංශෝධනය කර ගැනීමට සමත්ව තිබේ.
මීට අමතරව දක්ෂිණ අධිවේගී මාර්ගයේ ඉදිරි වැඩකටයුතු නැවත ඇරඹීම සඳහාද අවධානය යොමුව ඇත.
අධිවේගී ව්‍යාපෘති තාක්ෂණික සහ මුල්‍ය කරුණු අධ්‍යනය කිරීමට පත්කළ කමිටු වාර්තාවෙන් අනතුරුව කෙරුණු සංශෝධන සඳහා පසුගියදා (අප්‍රේල් 22) කැබිනට් අනුමැතිය හිමිව තිබේ.
