ඉකුත් 20 වැනි දින යාපනය අධිකරණය ඉදිරිපිට පැවැති උද්ඝෝෂණය පාදක කර ගනිමින් ප්‍රදේශයේ සාමය ආරක්ෂාව පවත්වාගෙන යාම සඳහා මෙම අධිකරණ නියෝගය නිකුත් කර ඇති බව පොලිස් මාධ්‍ය ප්‍රකාශක කාර්යාලය පැවසුවේය.
දෙමළ ජාතික සන්ධානයේ හිටපු ප්‍රාදේශිය සභා මන්ත්‍රී කුමාරවේලූ මනිප්පායි මහතා සභාපත්තිවය දරන ජනතා බලය සංවිධානය, යාපනය කාන්තා සංවිධානය සහ උතුරු පළාත් සභා මන්ත්‍රීනී ආනන්ද ශෂීදරන් මහත්මියට එරෙහිව මෙම අධිකරණ නියෝගය නිකුත් කර තිබේ.
අදාළ පුද්ගලයින්ට උසාවිය දැනුම්දී ඇත්තේ යාපනය ප්‍ර දේශයේ සාමය කඩවන ආකාරයේ කිසිදු විරෝධතාවයක් සංවිධානය කිරීමෙන් වළකින ලෙසත් එසේ කළහොත් අත්අඩංගුවට ගන්නා බවත්ය.
යාපනය අධිකරණය ඉදිරිපිට ඉකුත්දා කලහකාරී ලෙස හැසිරුණු උද්ඝෝෂකයින් 130 දෙනෙකු මේ වන විට රක්ෂිත බන්ධනාගාර කර අැත.
