පවිත්රා වන්නිආරච්චි හට නව රජයේ නියෝජ්‍ය ඇමතිධුරයක් ලැබුණේ පසුගිය මාර්තු 22 වැනිදාය. එදිනම ඇයගේ මැණික් පතල්වල වැඩ ආරම්භකර ඇත. පසුව අප‍්‍රියෙල් මස 29 වැනි දින ජනපතිවරයාගේ දැනුම් දීමකට අනුව සියලු නීති විරෝධී පතල් හෑරීම් නවතා දැමීමටත් දැනට එසේ පවත්වාගෙන යන පතල් වැටලීමටත් අවසර ලැබිණ.
ඒ අනුව පාතකඩ, දෙනවක ගඟේ වර්ග අඩි 2200ක පමණ විශාලත්වයකින් යුතු පවිත්රා වන්නි ආරච්චිට අයත් පතලක් ද වටලනු ලැබිණි. මෙම වැටලීම කහවත්ත විශේෂ කාර්ය බලකා සෙබලූන් කණ්ඩායමක් විසින් සිදුකර ඇති අතර එහි දී 24ක් අත්අඩංගුවට ගෙන අධිකරණයට ඉදිරිපත් කිරීමෙන් පසු එක් අයෙකුට රු 5000ක බැගින් දඩ නියමකර ඇත. මේ සමඟම මැණික් ගැරීම් සිදුකරනු ලබන ශකර් යන්ත‍්‍රයක් ද අත්අඩංගුවට ගෙන ඇත. එම යන්ත‍්‍රය මැණික් හා ස්වර්ණාභරණ අධිකාරිය භාරයට ගෙන ඇත. එහිදී ඇමතිවරිය විවිධ පරිශ‍්‍රමයන් දරා මෙම නීතිමය කටයුත්ත ගොඩින් බේරා ගැනීමට උත්සාහ කළ ද නොහැකි වී ඇත.
මැණික් හා ස්වර්ණාභරණ අධිකාරිය මෙම කාරණය සම්බන්ධයෙන් තදින් ක‍්‍රියා කළේ නව රජයේ යහපාලන ප‍්‍රතිපත්තියේ පිහිටා බව අධිකාරිය පවසයි. මෙම කාරණය දුරදිග නොගොස් බේරා ගැනීමට ජනපතිවරයා දායක නොවීම මත පවිත්රා වන්නිආරච්චි සිය ඇමති ධුරයෙන් ඉල්ලා අස්වීමට හේතු වූ බව වැඩිදුරටත් වාර්තා වේ.
lankaherald
