පසුගිය රාජපක්ෂ පාලන සමයේදී තම මව හා පියා අල්ලස් කොමිසමට ගෙන යමින් හිටපු ජනපති ඇතුලු පවුලේ සගයින් විසින් දැඩි පීඩාවට පත්කල බවයි ඔහු පෙන්වා දෙයි.
ඒ සමයේ අගවිනිසුරුවරිය ලෙස කටයුතු කළ ශිරාණි බණ්ඩාරනායකට එරෙහිව චෝදනා 14ක් ඇතුලත් දෝෂාභියෝගයක් ගෙන එමින් ධුරයෙන් පහ කරනු ලැබුවා. මේ මතබේදකාරී තීන්දුවට එරෙහිව දේශීයව මෙනේම ජාත්‍යන්තරවද විරෝධයක් මතුවිය.
පසුගියදා හිටපු ජනපති බිරිය සහ නාමල් රාජපක්ෂගේ මව වන ශිරන්ති රාජපක්ෂව මුල්‍ය අපරාධ විමර්ශන ඒකකය වෙත කැඳවා ඇතැයි වාර්තා විය.
දේශපානයට කිසිදු සම්බන්දයක් නොමැති තම මව, පියා, නැන්දා, මාමා පමණක් නොව තමන් පවා රාජපක්ෂ පාලන කාලය තුල දිගින් දිගටම පීඩාවට පත්කළ බව ශවීන් බණ්ඩාරනායක පවසයි. එසේම පසුගිය සමයේ රජයේ මාධ්‍ය පවා යොදාගනිමින් තම මව්පියන්ට අපහාස කළ විට තමන්ට දැනුණු හැඟීම් කවරක් වන්නට ඇත්දැයි විමසා බලන ලෙස ඔහු ඉල්ලා සිටියි. නාමල් රාජපක්ෂ තමන් වෙනුවෙන් සහයෝගය සහ අනුකම්පාව බලාපොරොත්තු වීමට පෙර අනිත් අයගේ දුකද තේරුම් ගතයුතු බව ලෙස ශවීන් බණ්ඩාරනායක පවසා තිබේ.
ශිරන්ති රාජපක්ෂ මුල්‍ය අපරාධ විමර්ශන ඒකකයට කැඳවීම පිළිබඳ නාමල් රාජපක්ෂ ෆේස් බුක්හී තබන ලද සටහන සහ ඊට පිළිතුරු ලෙස ශවීන් බණ්ඩාරනායක තබන ලස සටහන පහත දැක් වේ.
