අදාළ කොමිෂන් සභාවේ සභාපතිවරයා ලෙස ජනාධිපති නීතීඥ රොමේෂ්ද සිල්වා මහතා පත් කර ඇති අතර සිසු සාමාජිකයින් 14 දෙනෙකුද පත් කර ඇත.
ඒ අනුව ජනාධිපති නීතීඥවරුන් වන පාලිත ප්‍රනාන්දු, එස් අනිල් සිල්වා, මනෝහාර ද සිල්වා, ආචාර්ය හර්ෂ කබ්රාල්, ඉක්‍රම් මොහොමඩ්, සංජීව ප්‍රනීත් ජයවර්ධන යන මහත්වරුන් නම් කර ඇති බව ජනාධිපති ලේකම් පී.බී.අබේකොන් මහතා පැවසුවේය.
එමෙන්ම නීතීඥවරුන් වන ආචාර්ය ලක්ෂ්මන් මාරසිංහ, ධාරණි එස්. විජයතිලක, ආචාර්යය කාමිනා ගුණරත්න, එම්. ස්වාමිනාදන්, එන්. සෙල්වක්කුමාරන්, නවීන් සුරත් මාරපන, තිසාත් විජයගුණවර්ධන, ජී.ජී. අරුල්ප්‍රගාසම් යන අයද නම් කර ඇති බව සඳහන්ය.
2015 මාර්තු මස 18 වන දින සිට ක්‍රියාත්මක වන පරිදි අවුරුදු පහක කාලසීමාවකට අදාළ නීති කොමිෂන් සභාවේ සාමාජිකයින් පත් කර ඇති බව වාර්තාවේ.
