අදාළ ගොවිපොළේ සේවකයින් 133 දෙනෙකුට රුපියල් හතලිස් හත්ලක්ෂ තිස්හයදහස් හාරසිය තුනක මුදලක් ගෙවන ලෙස අධිකරණය නියෝග කර ඇත.
අනුරාධපුර සහකාර කම්කරු කොමසාරිස් කාර්යාලය විසින් තඹුත්තේගම මහේස්ත්‍රාත් අධිකරණයේ ගොනුකළ නඩුවක තීන්දුව ප්‍රකාශයට පත්කරමින් මහේස්ත්‍රාත්, බණ්ඩාර ඉලංගසිංහ මහතා මෙම නියෝගය ලබාදී තිබේ.
වසර 02ක කාලයක් අදාල සත්ව ගොවිපොළේ පාලන අධිකාරිය විසින් එහි සේවකයින්ට අර්ථසාධක අරමුදල් ගෙවා නොමැති බවට චෝදනා එල්ලවී තිබුණි.
දෛනික වැටුප් මත සේවය කරන සේවකයින්ට 2010 වසරේ සිට 2012 වසර දක්වා කාලය තුළ අර්ථසාධක අරමුදල් ගෙවා නොමැති බව පැමිණිලිකරුවන් අධිකරණය හමුවේ කියා සිටියේය.
අද දෙරණ
