පසුගිය කාලයේ ඩුබායිහි පිහිටි මැරියට් හෝටලය මහින්ද රාජපක්ෂගේ චෝදනා එල්ල විය. එසේම මිග් යන ගණුදෙනුව සම්බන්ධයෙන් මුල්‍ය අපරාධ විමර්ශන ඒකකය හිටපු ආරක්ෂක ලේකම් ගෝඨාභය රාජපක්ෂගෙන්ද ප්‍රකාශ සටහන් කරගෙන තිබුණි.
මෑතකදී උදයංග වීරතුංග ටෙහෙරානයේ ශ්‍රී ලංකා තානාපති කාර්යාලයට ඇමතුමක් ලබාදී තමාගේ පෞද්ගලික බඩුබාහිරාදිය රැගත් කන්ටේනරයක් නිදහස් කරන ලෙස විදේශ කටයුතු අමාත්‍යංශයට දන්වන ලෙස ඉල්ලීමක් කර තිබුණි.
එසේම උදයංගගෙන් රුසියානු තානාපති කාර්යාලයේ භාෂා පරිවර්තකයෙකු ලෙස සේවය කළ නොයෙල් රණවීරගේ සැකකටයුතු මරණය සමබන්ධයෙන්ද ප්‍රශ්න කිරීමට නියමිතයි. උදයංග වීරතුංග හිටපු ජනාධිපතිගේ නැන්දනියගේ පුතෙකු බව වාර්තා වේ.
මේ අතර ජාත්‍යන්තර පොලීසිය මගින් Bellimissa Holdings Limited නමින් බ්‍රිතාන්‍යයේ සමාගමක් නොමැති බව මුල්‍ය අපරාධ ඒකකය වෙත තහවුරු කර තිබේ. ගුවන් හමුදාවට මිග් 27 යානා 4 මිළ දී ගැනීමේ තැ‍රැව්කරුවා ලෙස උදයංග වීරතුංග නම් කර ඇති එම සමාගම ව්‍යාජ එකක් බව මේ අනුව අනාවරණය වේ. නමුත් මෙම සමගම නමින් වර්ජින් දුපත්වල බැංකු ගිණුමක් ඇති අතර එය ආරම්භ කර තිබෙන්නේ මිග් යානා ගණුදෙනුවට අත්සන් තැබූ 2006 වසරේ ජූලි 26 වන දිනට නුදුරු දිනකදී බවට අනාවරණය වී තිබේ.
