ඔහු මේ බව පැවසුවේ අද(03) පැවති මාධ්‍ය හමුවක් අමතමිනි.
වර්තමානය වන විට මෛත්‍රීපාල සිරිසේන මහතාව පැරදවීමට කටයුතු කළ අය පවා ඔහුට අපේ නායකයා යනුවෙන් අමතන බවත් ඔවුන්ගේ නායකයා වන මහින්ද රාජපක්ෂ ජනාධිපතිවරණයෙන් ජයගත්තා නම් මේ වන විට තමන් පවා ජීවතුන් අතර නොමැති බවත් පැවසුවේය.
මහින්ද රාජපක්ෂ යුගයේ නිවසින් එළියට බැස්ස පමණින් පොළීසියෙන් කැදවීම් සිදු කරන බවත් එවන් වූ ජරා පාලනයක් හමාර කළ හැකිවීම පිළිබදව සතුටුවන බවත් පැවසුවේය.
යහපාලන ආණ්ඩුව රාජපක්ෂ පවුලේ හොරකම් පිළිබදව පරීක්ෂණ හරිආකාරව ක්‍රියාත්මක නොකරන බවත් රාජපක්ෂ පාලනයේ පැවති ජඩ වැඩ,හොරකම,දූෂණය පිළිබදව හෙළිදරව් කිරීම කල් නොඇරිය යුතු බවත් කීවේය.ගෝඨාභය රාජපක්ෂ,නාමල් රාජපක්ෂ ආදී සියල්ලන් නීතියේ රැහැනට හසු කරගත යුතු බව පැවසුවේය.
රජයේ මුදල් හොරකම් කළ සියල්ලන්ට දඩුවම් ලබාදිය යුතු බවත් ඒ හරහා ජනතාවට සහනය සැලසීමට වත්මන් යහපාලන ආණ්ඩුව කටයුතු කළ යුතු බවත් අවධාරණය කළේය.
ශිරන්ති රාජපක්ෂ,විමල් වීරවංශ,ශෂී වීරවංශ මේ අය ව්‍යාජ ලිපි ලේඛන භාවිතා කළත් තාමත් නිදැල්ලේ පසුවන බවත් මේවා හිතාමතාම අතපසුකරමින් වෙනත් සුළු වැරදි පසුපස පන්නමින් කටයුතු කිරීම හෙළා දකින බව ඔහු පැවසුවේය.
මේ නිසා නීතිය හරිආකාරව කෙළින් ක්‍රියාත්මක විය යුතු බව ඔහු වැඩිදුරටත් පැවසුවේය.
