ස්වාධීන රූපවාහිනියේ විකාශය වු ටෙලි නාට්‍යයක උදාරී රංගනයෙන් දායක වූ නමුත් ඇය ඒ වෙනුවෙන් ඉහළ ජනප්‍රියත්වයක් ලබා තිබුණේ නැත. එම ටෙලි නාට්‍ය වෙනත් කිසිදු සම්මානයක් සඳහා නිර්දේශ වී නැති වීමද විශේෂ කරුණකි.
ජනප්‍රිය නිළිය සඳහා මත විමසීමේදී වඩා ඉදිරියෙන් සිටියේ මහේෂි මධුෂංකා නැමැති නවක නිළිය බව එම සම්මාන උළෙලේ ආරංචි මාර්ග පවසයි. එහෙත් ස්වාධීන රූපවාහිනී බලධාරීන් විසින් උදාරි වෙනුවෙන් විශේෂ ප්‍රචරක මෙහෙයුමක් ආරම්බ කිරීම නිසා ඇය මේවන විට ඉදිරියට පැමිණ තිබේ. රූපවාහිනී මාධ්‍ය ආයතනයකට තම ආයතනයේ විකාශය වූ නිර්මානයක් වෙනුවෙන් උනන්දුවක් දැක්වීමෙහි වරදක් නැතත් මහජනතාවගේ මුදලින් නඩත්තු වන රාජ්‍ය මාධයක් එසේ අනවශ්‍ය ලෙස සම්මානයක් වෙනුවෙන් මැදිහත් වීම සදාචාරාත්මක නැති බව ටෙලි නාටය ක්ෂේත්‍රයේ මතය වී ඇත. උදාරි රඟනයෙන් දායක වන ටෙලිය නිශ්පාදනය කර ඇත්තේ නිල්වලා ව්‍යාපාරයේ අධිපති උපුල් ජයසිංහ නැමැති ව්‍යාපාරිකයා විසින් වන අතර ඔහුට දේශපාලන අධිකාරියේ හා ස්වාධීන රූපවාහිනියේ සමීප සබඳතා ඇත්තෙකු බවද කියැවේ.
මේ අතර හොඳම නළුවා සම්මානයටද අසාධාරණයක් මැදිහත් වීමක් සිදුවන බව වාර්තාවේ. හොඳම නළුවා සඳහා නිර්දේශිත නම් හතර තුල සිටින පළපුරුදු නළුවකු වන ජනක් ප්‍රේමලාල් මහතාට එම සම්මානය ලබා දීම සඳහා විනිශ්චය මණ්ඩලයේ සිටින ජනක් ගේ සමකාලීන හිත මිතුරන් උත්සහ ගනිමින් සිටින බවත් වාර්තාවේ. එහෙත් ජනක්ට වඩා එකිනෙකා පරයා යන ඉහල රංගන ප්‍රතිභාවක් අනෙක් තරුණ නළුවන් තිදෙනා අතර තිබෙන බව බොහෝ දෙනාගේ මතය වී තිබේ.
