ජපානයේ විදේශ සංචාරයක නිරත අමාත්‍යවරයා ජපානයේ NHK පුවත් සේවයට සම්මුඛ සාකච්ඡාවක් ලබාදෙමින් මෙලෙස පවසන බව විදෙස් පුවත් සේවා උපුටා දක්වයි.
චීනය සමග පවත්නා සබඳතා දුරස්ථ කර ගනිමින් ලෝකයේ සෙසු රටවල් සමග සබඳතා වර්ධනය කරගන්නා බව අමාත්‍ය මංගල සමරවීර මහතා සදහන්කරයි.
පසුගිය රජයට මහාපරිමාණ දූෂණ හා අක්‍රමිකතා සදහා චීනයෙන් ලැබුණු ආධාරද ඉවහල්වුණු බවත් සමරවීර මහතා මෙහිදී පෙන්වාදී තිබේ. චීනයේ ආධාර වලින් ඉදිවුණු දැවැන්තම ව්‍යාපෘතිය වූ කොළඹ 'පෝර්ට් සිටි'ව්‍යාපෘතිය වත්මන් රජය විසින් තාවකාලිකව අත්හිටුවා ඇති අතර මේ දිනවල ඒ පිළිබඳ පුනරීක්ෂණයක් හා විමර්ශනයන් සිදුකෙරෙමින් පවතී.
දෙවන ලෝක යුද්ධයෙන් පසුව නැඟී සිටි ජපානය, සිවිල් යුද්ධයෙන් පසුව නැඟී සිටින ශ්‍රී ලංකාවට කදිම පාඩමක් උගන්වන බව අමාත්‍යවරයා මෙහිදී පෙන්වාදී ඇත.
