හෙට දිනයේ පාර්ලිමේන්තු කටයුතු සම්බන්ධයෙන් අවසන් එකඟතාවක් ලබාගැනීම සඳහා මෙම පක්ෂ නායක රැස්වීම කැඳවා ඇති බව වාර්තා වන අතර ගැසට්කර ඇති 20 වන ආණ්ඩුක්‍රම ව්‍යවස්ථා සංශෝධනය පාර්ලිමේන්තුවට ඉදිරිපත් කිරීම සම්බන්ධයෙන් මෙහිදී සාකච්ඡා කෙරේ.
නව මැතිවරණ ක්‍රමය ඇතුළත් විසිවන ආණ්ඩුක්‍රම ව්‍යවස්ථා සංශෝධනය මේ වනවිට ගැසට් මගින් ප්‍රකාශයට පත් කර ඇති අතර, එමගින් පාර්ලිමේන්තුවේ මන්ත්‍රී ධුර සංඛ්‍යාව 237 ක් ලෙස යෝජනා කර තිබේ.
සුළු පක්ෂවල මතය වී ඇත්ත‍ේ මන්ත්‍රී ධුර සංඛ්‍යාව 255 දක්වා ඉහළ දැමිය යුතු බවය.
පාර්ලිමේන්තු මැතිවරණයේදී ඡන්දදායකයින්ට ඡන්ද පත්‍රිකා දෙකක් ලබාදිය යුතු බවටද මුස්ලිම් කොංග්‍රසය පසුගියදා යෝජනා කළේය.
20 වන ව්‍යවස්ථා සංශෝධන පනත් කෙටුම්පත සම්මතවීම සම්බන්ධයෙන් සාකච්ඡා කිරීමට ඊයේ ජනතා විමුක්ති පෙරමුණ, දෙමළ ජාතික සන්ධානය, ශ්‍රී ලංකා මුස්ලිම් කොංග්‍රසය ඇතුලූ සුළු පක්ෂවල නායකයින් අග්‍රාමාත්‍ය රනිල් වික්‍රමසිංහ ද හමුවුයේය.
