මේවන විට මූල්‍ය ප්‍රශ්න හේතුවෙන් තවදුරටත් පවත්වාගෙන යා නොහැකි බව එම ආයතන කලමානාකාරිත්වය සේවකයන්ට දන්වා ඇත. සන්ඩේ ලීඩර් පුවත්පත හැකිනම් එම සේවක සේවිකාවන්ට අදාල මූල්‍ය පහසුකම් සපයා ගත හැකිනම් එය පවත්වාගෙන යාමට ඉඩ ලබා දිය හැකි බවද එම කළමනාකාරිත්වය දැනුම් දී තිබේ.
පසුගිය සමයෙහි රාජපක්ෂ පාලනයෙන් ලැබුණු අනුග්‍රාහකත්වය මත හා එම වුවමනාව පරිදි මෙම පුවත්පත් ආයතනය අසංග සෙනෙවිරත්න නම් රාජපක්ෂ පවුලේ හිතවත් ව්‍යාපාරිකයා විසින් මිළදී ගෙන පවත්වාගෙන ගියේය. මෙම ආයතනය මීට පෙර ඝාතනය ලක්වූ ප්‍රවීණ මාධ්‍යවේදී ලසන්ත වික්‍රමතුංග හා ඔහුගේ සොහොයුරු ලාල් වික්‍රමතුංග විසින් ආරම්භ කළ අතර ලසන්තගේ ඝාතනයෙන් පසුව එම ආයතනයට රාජපක්ෂ පවුලෙන් එල්ල වූ බලපෑම හේතුවෙන් විකුණා දැමීමට සිදු විය.
එමෙන්ම මෙම ඉරණමට නුදුරේම 'රිවිර' පුවත්පත් ආයතනයත් 'මව්බිම' පුවත්පත් ආයතනයත් මුහුණ දෙනු ඇති බව තතු දත්තෝ පවසති. මෙම ආයතන දෙකද පසු ගිය කාලයේ පවත්වාගෙන ගියේ රාජපක්ෂවරුන්ගේ අනුග්‍රහය මතය.
මීට සති කිහිපයකට පෙර වසා දැමුණු 'රන්දිව 'පුවත් පත යළි ඇරඹීම සඳහා උත්සහයක් රුවන් ෆර්ඩිනැඩස් ඇතුළු කණ්ඩායමක් විසින් ගත් නමුදු ඒ මේවන විට අත්හැර දාමා ඇති බවත් වාර්තාවේ.
සැබැඳි පුවත්
