ඒ අනුව 2004 ජනවාරි පළමු දිනට විශ්‍රාම වැටුප් ගිය ලක්ෂ 3ටත්, එම වසරේම නොවැම්බර් 30 වන දින වන විට 12,000 ක පිරිසකගේත් වැටුප් විෂමතා ඉවත්වී තිබේ.

රජයේ සේවයේ නියුතුවූවන්ගේ විශ්‍රාම වැටුප සකස් කරනු ලබන්නේ ඔවුන් විශ්‍රාම ගන්නා දිනට ලැබූ වැටුප මත පදනම්වය. මේ හේතුවෙන් 2006 වසරට පෙරාතුව විශ්‍රාම ලැබූ නිලධාරීන්ගේ විශ්‍රාම වැටුප් හා 2006 න් පසු විශ්‍රාම ලැබූ නිලධාරීන්ගේ වැටුප් අතර සැලකිය යුතු වැටුප් විෂමතාවක් දක්නට ලැබුණි.

එසේම 2004 වසරේ පෙබරවාරි 1 දා සිට 2005 වසරේ දෙසැම්බර් 31 වන දින දක්වා විශ්‍රාම ගිය 18,000 ක්ද ඇතුළු සමස්තයක් ලෙස විශ්‍රාමිකයින් තුන් ලක්ෂ තිස් දහසකගේ විශ්‍රාම වැටුප් විෂමතා ඉවත් කරන බව මුදල් අමාත්‍යංශය පවසයි.

මෙම මුදල් ගෙවීමට වාර්ෂිකව බිලියන 160 ක මුදලක් වැයවන බවත් රාජ්‍ය පරිපාලන හා ස්වදේශ කටයුතු අමාත්‍ය කරූ ජයසූරිය මහතා ඊයේ (23)පැවති මාධ්‍ය හමුවකදී කියා සිටියේය.