පොලිස් මාධ්ය ප්රකාශක සහකාර පොලිස් අධිකාරී නීතිඥ රුවන් ගුණසේකර මහතා ප්රකාශ කළේ ඒ අනුව විනිසුරු ආබෲ මහතාගෙන් කට උත්තර ලබාගැනීම රහස් පොලිසිය විසින් අද හෙටම කටයුතු කරනු ඇති බවයි.
ඒ අතර විනිසුරුවරයා අත්අඩංගුවට ගැනීම හෝ අධිකරණයට කරුණු වාර්තා කර වැඩිදුර පරීක්ෂණ පැවැත්වීමද රහස් පොලිසිය මඟින් සිදු කරනු ඇත.
සරත් ආබෲ ශ්රේෂ්ඨාධිකරණ විනිසුරුවරයාගේ නිවසේ සේවය කරමින් සිටි මෙහෙකාර කාන්තාවකට විනිසුරුවරයා විසින් පසුගියදා (28) පහර දී තිබුණි. ඒ සඳහා ඔහුගේ නිල පිස්තෝලය යොදාගෙන තිබූ බව පොලිසියට මෙහෙකාර කාන්තාව කළ පැමිණිල්ලේ සඳහන් වෙයි.
ඒ අනුව මේ පිස්තෝලය රහස් පොලිස් පරීක්ෂණවලදී ඔවුන්ගේ බාරයට ගැනීමටද ඉඩ ඇත.
රහස් පොලිසිය ඊයේම එම පරීක්ෂණ ආරම්භ කළේය. මෙහෙකාර කාන්තාව ගල්කිස්ස පොලිසියට කර තිබූ පැමිණිල්ලට අදාළ සියලු විස්තරද රහස් පොලිසිය වෙත ලබාගෙන ඇත.
දැනට කළුබෝවිල රෝහලේ ප්රතිකාර ලබන මෙහෙකාර කාන්තාවට එල්ල වී තිබූ පහරදීම්වලට අදාළ වෛද්ය වාර්තා රෝහල මඟින් ලබාගෙන තිබුණි. එම කාන්තාව තවමත් කළුබෝවිල රෝහලේ ප්රතිකාර ලබයි.
ගල්කිස්ස පොලිසිය සිද්ධිය සම්බන්ධව සිදු කළ පරීක්ෂණවලදී සිව් දෙනෙකුගෙන් පමණ ප්රශ්න කර තිබුණි. රහස් පොලිසිය වැඩිදුර පරීක්ෂණ පවත්වයි.
dinamina
