එක්සත් ජනතා නිදහස් සන්ධානයෙන් මහින්ද රාජපක්ෂ විමල් වීරවංශ ඇතුළු එම කණ්ඩායමට නාමයෝජනා ලබා දීමට ජනාධිපතිවරයා පොරොන්දු වීම හේතුවෙන් ඔහු මේ බව පවසයි.
එහෙත් හිටපු ජනාධිපති මහින්ද රාජපක්ෂ මහතා ඇතුළුව දුෂණ චෝදනා ලැබ තිබෙන ඔහුගේ ප්‍රබල ආධාරකරුවන් 8 දෙනෙකුට එජනිසය යටතේ නාම යෝජනා ප්‍රතික්ෂේප කිරිමට මෛත්‍රිපාල සිරිසේන මහතා කටයුතු කරන බව හෙළිවීමත් සමඟ වෙනම නාම යොජනා සැකසීම එම කණ්ඩායම මේවන විට සිදු කරමින් පවතී.
මිරිහානේ පිහිටි මහින්ද රාජපක්ෂ මහතාගේ නිවසේ දී පක්ෂයේ නම සඳහන් නොවන නාම යෝජනා ලැයිස්තු දිවයිනේ දිස්ත්‍රික්ක 18කට සකස් කිරීමට ජනාධිපති ලේකම් කාර්යාලයේ දීර්ඝ කලක් සේවය කළ කලමණාකරුවකු විසින් සිදුකරමින් සිටියි.
කෙසේ නමුත් එජනිසෙන් නාම යෝජනා නොලැබුව හොත් මහින්ද රාජපක්ෂ මහතා වෙනම තරග කිරීම සිදුනොවනු ඇති බවත් එම පවුලේ ආරංචි මාර්ග සඳහන් කරයි. ඔහුගේ කණ්ඩායම වෙනම තරග කරන්නේ නම් ඊට අවශ්‍ය සහයෝගයක් ඔහු විසින් වේදිකාවට නොගොස් ඉ‍ටු කිරීම පමණක් සිදුවනු ඇති බවත් දැන ගැනීමට තිබේ.
