ඒ අනුව මෙවර මහ මැතිවරණයට මහින්ද රාජපක්ෂ තරඟ කරන්නේනම් ඔහුට පහත සඳහන් කොන්දේසි ඉදිරිපත් කිරීමට ශ්‍රී ලංකා නිදහස් පක්ෂ නාම යෝජනා මණ්ඩලය තීරණය කර ඇතැයි පැවසේ.

1. මහින්ද රාජපක්ෂ ට නාම යෝජනා ලැබෙන්නේ හම්බන්තොටින් පමණයි.
2. ඔහුට අගමැති අපේක්ෂකත්වය, කණ්ඩායම් නායකත්වය හිමි නොවේ.
3.හම්බන්තොට දිස්ත්‍රික් නායක හෝ කණ්ඩායම් නායක ලෙස හෝ දිස්ත්‍රික් සංවිධායක තනතුරු හිමි නොවේ.
4. මහින්ද රාජපක්ෂ මහතා ට එරෙහිව මන්ත්‍රී ධූරයට පත්වීමෙන් පසුව දුෂණ හෝ අක්‍රමිකතා චෝදනා එල්ල වන්නේ ඔහු තනතුරින් ඉවත් වී ඒවාට මුහුණ දිය යුතුය.
5. දුෂණ, අක්‍රමිකතා චෝදනා එල්ල වූ එජනිස යේ 17 කට නාම යෝජනා ලබා නොදෙනු ඇත.
6. කිසිදු අයුරකින් බොදු ජන සේනා (බෙදු බල සේනා හි දේශපාලන පක්ෂය) සිය මැතිවරණ ව්‍යපාරයට සම්බන්ධ කර නොගත යුතුයි.

මීට අමතරව නිදහස් පක්ෂ නාමයෝජනා මණ්ඩලය අට දෙනෙකුට නාම යෝජනා ලබා නොදීමට තීරණය කර ඇතැයි දේශපාලන ආරංචි මාර්ග පවසයි. එම අට දෙනාගෙන් හතර දෙනෙකුට නාම යෝජනා ලබානොදීමට මහින්ද රාජපක්ෂ පාර්ශවය එකඟ වී ඇති අතර අතර ඉතුරු හතර දෙනාට නාම යෝජනා ලබාදෙන ලෙස බල කරමින් සිටින බව පැවසේ.

නාම යෝජනා ලබාදෙන ලෙස බල කර ඇති හතරදෙනා ලෙස සඳහන් වන්නේ ජොන්ස්ටන් ප්‍රනාන්දු, රෝහිත අබේගුණවර්ධන, ලක්ෂ්මන් වසන්ත, මහින්දානන්ද අලුත්ගමගේ යන පිරිසයි.