කෙසේ වෙතත් මෙම පාතාල කල්ලි පහේ සාමාජිකයන් පිළිබඳ සියලු තොරතුරු මේ වනවිට පොලිසිය අනාවරණය කරගෙන ඇත. ඔවුන් අත්අඩංගුවට ගැනීමට විශේෂ පොලිස්‌ කණ්‌ඩායම් යොදවා ඇති බවද නවරත්න මහතා වැඩිදුරටත් පැවසුවේය.
පසුගිය මැතිවරණවලදීද මෙම පාතාල කල්ලි විසින් දේශපාලනඥයන් ජයග්‍රහණය කරවීම සඳහා සක්‍රීයව දායකත්වය ලබා දී තිබෙන බව හෙළිවී ඇත.
මැතිවරණ ප්‍රචණ්‌ඩ ක්‍රියාවල නිරතවන පුද්ගලයන්ට එරෙහිව දැඩි නීතිමය ක්‍රියාමාර්ග ගැනීමට නොබියව කටයුතු කරන ලෙස සියලුම පොලිස්‌ ස්‌ථාන වෙත මේ වනවිටත් දැනුම්දී ඇති බවද ජ්‍යෙෂ්ඨ නියෝජ්‍ය පොලිස්‌පතිවරයා කියා සිටියි.
ජනවරම අහිමි බව දන්නා දේශපාලනඥයින් මැර බලය යොදා ගනිමින් හෝ බලයට ඒමට නොපසුබට බව නොරහසකි.පසුගිය ජනවාරි 08 වනදා රාත්‍රියේ මහින්ද රාජපක්ෂ සිදුකළ කුමන්ත්‍රණය මෙරට ජනතාවට අමතක නැත. කවර හෝ උපක්‍රමයකින් බලයට පැමිණීමට සිහින මැවූ රාජපක්ෂ පරපුරට ජනතාව ඉගැන්වූ පාඩම සැබෑ ප්‍රජාතන්ත්‍රවාදී අයිතියේ නොමැකෙන සලකුණක් වීය.
බලලෝභය නම් ආශාවේ අවදි නොවන සිහිනයක ගිලී සිටින මෙම කල්ලිය මෙවරද කොක්කෙන් බැරිනම් කෙක්කෙන් හෝ සිය අරමුණ ඉටුකර ගැනීමට කටයුතු කරනු නියතය. කෙසේ නමුත් යහපාලනයේ ජනතා අභිලාෂ යම් තරමක් කඩවූ බවද කිව යුතුය. එනමුත් අප සිතා බැලිය යුත්තේ මැර බලය සිය ජීවිතයේ කොටසක් කර ගත්,රටම සිය පවුල් පාලනයේ ග්‍රහනයට නතු කළ ජනතා දේපල කොල්ල කෑ දේශපාලකයන් යයි කියා ගන්නා දේශපාලුවන් අතුගා දමන ආකාරයයි.එසේ නොවුණහොත් යළිත් උදාවන්නේ නිදහස අහමිවූ පීඩිත යුගයක්මය.
අවශ්‍ය වන්නේ ජනතාවට නිදහසේ ජීවත් වීමට සුදුසු වටපිටාවක් තනා ගැනීම උදෙසා වන පාලනයක් ගෙන ඒමය.ආශ්චර්ය කියමින් සිදු කළ ජනතා දේපල මංකොල්ලය,වටිනා මනුෂ්‍ය ජීවිත බිලි ගැනීම සිදු කල පිරිසට නාමයෝජනා හිමිවීමද ප්‍රශ්නයකි.නමුත් ජනවරම අයුතු ලෙස පාවිච්චි කිරීමට අර අදින්නේ නම් එයට ඇති ඉඩකඩ වලකා ලිය යුතුමය.මැර බලයට වඩා ජනබලය ප්‍රභල බව පසුගිය ජනවාරි 08 දා ප්‍රදර්ශනය වූයේය.
