තමන්ගේ නම ජාතික ලැයිස්‌තුවෙන් ඉවත් කිරීමට පියවර ගන්නා මෙන් මහාචාර්ය නලින් ද සිල්වා මහතා සන්ධානයට දැනුම් දී තිබේ.
මේ පිළිබඳව මහාචාර්ය නලින් ද සිල්වා මහතාගෙන් කළ විමසුමකදී ඒ මහතා කියා සිටියේ මහින්ද රාජපක්ෂ මහතා වෙනම තරග කරන්නේ නම් මෙම යෝජනාව තමා පිළිගන්නා බවත්, මෛත්‍රී මහින්ද සභාගයක්‌ තුළ තමන් ඊට කිසිසේත් එකඟ නොවන බවයි.
මෛත්‍රීපාල සිරිසේන මහතා බටහිර කුමන්ත්‍රණයක ප්‍රතිපළයක් බවත් රාජපක්ෂ රෙජීමය පැරදවීම සඳහා එල්ටීටීඊ සංවිධානයේ හා ඒ ඩයස් පොරාවේ උදව් උපකාර ගත් බවටත් මෙම සිංහල බෞද්ධ ජාතිවාදී කණ්ඩායම් රාජපක්ෂවරු සමඟ එක්වී දිගින් දිගටම චෝදනා කළේය.
කෙසේ නමුත් දේශපාලන ආරංචි මාර්ග සඳහන් කරන්නේ රාජපක්ෂ මහතාට මැතිවරණ ව්‍යාපාරය තුල ජාතිවාදය ඇවිලවීම නොකල යුතු බවත් සුළු ජාතීන්ගේ අයිතීන් වෙනුවෙන් පෙනී සිටිය යුතු බවටත් ජනාධිපතිවරයා දැමූ කොන්දෙසිය මහින්දවාදීන් පිළි ගැනීම හේතුවෙන් නලීන්ද සිල්වා මහතා ඉවත් වී ඇති බවය. එනමුත් මේ මැතිවරණය උපක්‍රමයක් පමණක් බව නලීන්ද සිල්වා මහත නොදැනීමට හේතුවක් නැත. මන්ද නලීන්ද සිල්වා මහතාව නම් කර තිබුණේද මහින්ද රාජපක්ෂ විසින්ය.
