මේ නිසා එක්සත් ජාතික පක්ෂය පුළුල් සන්ධානයක් ලෙස අලියා ලකුණින් කටයුතු කරන බව නියෝජ්‍ය අමාත්‍ය නීතිඥ අජිත් පී. පෙරේරා මහතා සඳහන් කළේය.
පක්ෂයට සහයෝගය දක්වන සංවිධාන සහ පක්ෂවල සියලුම දෙනාගේම ඉල්ලීම වී තිබෙන්නේ මැතිවරණ සලකුණ ලෙස අලියා ලකුණ භාවිත කිරීමට බවත් මේ නිසා අලියා ලකුණෙහි කිසිදු වෙනසක් සිදු නෙවන බවත් ඔහු පැවසීය.
මෙය 2001 වසරේදී පැවැති පාර්ලිමේන්තු මැතිවරණයේදී එක්සත් ජාතික පක්ෂය කටයුතු කළ ආකාරයට ආසන්න ක්‍රමයක් බවද අජිත් පී.පෙරේරා මහතා සඳහන් කළේය.
එක්සත් ජාතික පක්ෂයේ නාමයෝජනා ලබාදීම අද (10ද) සහ 13 වැනිදා සිදුකිරීමට නියමිතය.
එම පක්ෂයේ මහා සම්මේලනය හෙට (11) කැම්බල් පිටියේදී පැවැත්වේ. මංගල ප්‍රචාරක රැලිය 14 වැනිදා මහනුවරදි පැවැත්වීමට සැලසුම් කර තිබේ. මැතිවරණයෙන් පසු ජනතාවට ලබාදෙන සහන පිළිබඳ යෝජනා කිහිපයක්ද පක්ෂ මහා සම්මේලනයේදී ඉදිරිපත් කිරීමට සැලසුම් කර තිබෙන බව පවසයි.
මැතිවරණ නීතියට ගරු කරමින් ආදර්ශවත් මැතිවරණයක් සිදුකරන ආකාරය පිළිබඳව මෙහිදී පාක්ෂිකයන්, අපේක්ෂකයන් දැනුවත් කිරීමට කටයුතු කරන බව එජාපය පවසයි.
