රාජපක්ෂලා දුප්පත් සමෘද්ධි ලාභීන්ගේ සල්ලි රුපියල් කෝටි 1500 ක් ජනාධිපතිවරණය වෙනුවෙන් හොරකම් කිරීමට සැලසුම් කළ බවත් එයින් කොටසක් හොරකම් කර ගත් ආකාරය හෙළිදරව්වූ බව නලීන් බණ්ඩාර පැවසුවේය.
දිවිනැගුම දෙපාර්තමේන්තුවෙන් දිවිනැගුම සහනාධාරලාභීන්ට නිවාස අලුත්වැඩියා කරන්න මුදල් ලබාදීම සදහා ක්‍රමවේදයක් සකස්කළ බවත් ඒ සදහා 2014 ඔක්තෝම්බර් 30 දා චක්‍රලේකයක් නිතුත් කළ තිබූණි. මේ ක්‍රමවේදය සදහා කිසිදු අනුමැතියක්ද ලබා නොගෙන නොතිබූ අතර මෙය රජපක්ෂවරුන්ගේ අත්තනෝමතික තීරණවල තවත් එක් පියවරක් ලෙස හදුන්වා දිය හැකිය.
මෙම මුදල් ලබා දීමට නම් දිවිනැගුම සහනාධාරලාභීන්ගේ අයදුම්පත් අතරින් සුදුස්සන් තෝරා නොවැම්බර් 09 වන විට ඔවුන්ට මුදල් ගෙවා අවසන්කළ යුතු වූයේය. මේ සියල්ල සිදු කිරීමට තිබුණේ දින 06 කි. කෝටි 1500 ත් දින හයකින් සුදුස්සන් තෝරා ලබා දීම කිසිසේත්ම කළ නොහැකි කාර්යයක් බව කාටවූවත් වැටහෙන්නකි.
මේ තත්වය මත ඔවුන් බොරු සංඛ්‍යාලේඛණ පෙන්වමින් මේ මුදල් තමන්ගේ අතටම ලබා ගත් අතර කෝටි 1500 ම හොරකම් කළ නොහැකි වූ නිසා කෝටි 375 ක් හොරකම්කර ගත් බවත් පැවසුවේය. අඩුආදායම්ලාභීන් වන සමෘද්ධිලාභීන් අනාගතය වෙනුවෙන් අමාරුවෙන් ඉතිරිකර ගත් මුදල් වංචාසහගත ලෙස තමන්ගේ අතට ලබාගෙන ජනාධිපතිවරණයට වියදම් කිරීම සදහා ගෝනි පිටින් ගෙන ගිය අතර මෙය හොරකමක් නොව අමානුෂික හොරකමක් බව මන්ත්‍රීවරයා පැවසුවේය.
කෙසේ වූවත් රාජපක්ෂලාගේ හොරකම් මැරකම් වලට සීමා මායිම් නැති බව දැන් පසක්වී හමාරය දුප්පතාගේ මුදල් පසුම්බියටත් විදින්නට තරම්, ආබාධිතයින්ගේ අරමුදල් වලට විදින්නට කරම් රාජපක්ෂලා අමානුෂිකවූ බව නොරහසකි. අද දූෂණයෙන් තොර පාලනයක් බිහිකිරීමට කැපවෙනවා යනුවෙන් මහින්ද රාජපක්ෂ ජනතාව අමතයි.එම වදන් පවසන්නේද පන්සල්වලදී හෝ ආගමික උත්සව වලදීය.මං සුදනා කියන රාජපක්ෂගේ කෙරුවාවල් දැන් අමුතුවෙන් කියා දීමට අවශ්‍ය නැත. මේ මොහොතේ රටට අවශ්‍ය මහත්මා දේශපාලනය කරන පිරිසිදු මහජන නියෝජිත පිරිසකි.
