නුගේගොඩ පැවැති මාධ්‍ය හමුවක් අමතමින් ඒ මහතා මේ බව ඊයේ (19) පැවැසුවේය. පළාත් සභාවලින් සියයට 40ක් පාලනය කරනුයේ එක්සත් ජනතා නිදහස් සන්ධානය මඟින් වන අතර එසේ පාලනය කරන පළාත් සභාවන්හි රාජ්‍ය දේපොළ සහ පෞද්ගලික බස් රථ අනවශ්‍ය ලෙස යොදා ගනිමින් සන්ධානයේ මැතිවරණ ක්‍රියාවන් සිදු කරන බව ද ඔහු ප්‍රකාශ කළේය. මේ සම්බන්ධයෙන් තම සංගමය විසින් මැතිවරණ කොමසාරිස්වරයාට ලිඛිත පැමිණිල්ලක් පෙරේදා (18) දිනයේ දී ඉදිරිපත් කළේ යැයි ද හෙතෙම කීය. සන්ධානයේ රැලිවලට බස් රථ සැපයීම මුදලට සිදු කරන අතර එය ගැටලුවක් නොවන බවත් ඇතැම් පළාත් සභාවල සන්ධාන මන්ත්‍රීන් බලහත්කාරයෙන් සිය මැතිවරණ කටයුතුවලට පෞද්ගලික බස්රථ යොදා ගැනීමට කටයුතු කරන බවත් ඔහු පැවැසීය.
ජනවාරි 8 වැනිදා ලබා ගත් ජයග්‍රහණය කිසිසේත්ම නැවතත් හැරවීමට ඉඩ නොතබන බවත් යහ පාලන ආණ්ඩුවක් නිර්මාණය කිරීමට සංගමයේ පූර්ණ සහාය නිතැතින්ම ලබාදෙන බවත් ඒ මහතා අවධාරණය කළේය. මේ අවස්ථාවට සංගමයේ අධ්‍යක්ෂවරුන් වන පාලිත ගුණරත්න, ඉන්දික මුණසිංහ, එස්.බී. මාරසිංහ, නියෝජ්‍ය ලේකම් එස්.බී. රත්නායක යන මහත්වරු සහභාගි වූහ.
dinamina
